వీళ్ళా మన పాలకులు

ఎల'క్షణాలు ' తిరిగి మొదలయ్యాయి.ఊరు వాడా అంతా హోరెత్తిస్తున్నారు.ప్రజాసేవ చేయడానికి పరుగులు పెడుతున్నారు.

కాని ఏ అభ్యర్థి చరిత్ర చూసినా ఏమున్నది గర్వకారణం,పాత రౌడినో లేక ఖూనికోరో లేక అక్రమ వ్యాపారాలవలన కోట్లు సంపాదించినవాడో కనిపిస్తున్నాడు.వీళ్ళకు వోట్లు వేయాలంటే వెగటు పుడుతుంది. కాబట్టి వోటింగ్ యంత్రం లో ఇంకొక బటన్ పెడితే బాగుంటుంది.నిల్చిన అభ్యర్థులెవరూ ఇష్ఠంలేని వాళ్లు ఆ బటన్ నొక్కుతారు. మొత్తం వోట్లు లెక్కించిన తర్వాత కొంత శాతం వోట్లు ఇష్ఠం లేని బటనుకు వస్తే ఆ ఎన్నికను రద్దు చేసి తిరిగి నిర్వహించాలి.ఆ ఇష్ఠం లేని అభ్యర్థులను కొన్ని సంవత్సరాలు ఎన్నికలలో పాల్గొనకుండా డిబార్ చేసి,ఆ ఎన్నికల ఖర్చును ఆ గుర్తింపు పొందిన పార్టీలనుండి వసూలు చేయాలి.

ఇలా చేస్తే పార్టీలు కొంచమైనా మంచివాల్లను తమ అభ్యర్థులుగా నిలబెడతాయి.ఇలాగైనా ప్రజాస్వామ్యం కొంతైనా మెరుగు పడవచ్చు.దీనిమీద ఎలెక్షన్ కమిషన్ దృష్టి పెడితే బాగుంటుంది.