పీఒన్ దచ్చిగిరి చెబితేనే సెలవు!

చిన్నప్పుడు పాఠశాలలో క్లాసు జరుగుతున్నప్పుడు  పీఒన్ (ప్యూన్)దచ్చిగిరి ఏదో ఒక బుక్ పట్టుకొని  సార్  దగ్గరికి వస్తూనే పిల్లలందరికీ  ఒక ఆనందం ,దచ్చిగిరిని చూస్తూనే కృష్ణ పరమాత్మున్ని చూస్తున్నట్లు ఉండేది .ఎందుకంటే  మరసటి రోజున సెలవని సర్కులర్ తెచ్చి ఉంటాడని పిల్లలందరి ఆశ. సారు ఏం  చెబుతారా అని  పిల్లలందరూ ఆతృతగా ఎదురు చూసే వాళ్ళు. ఒక వేల సెలవని సార్  చెబితే పిల్లలు సంతోషంతో దచ్చిగిరి వైపు కృతజ్ఞతగా   ఒక చూపు చూసేవారు .లేక పొతే అది వేరే విషయం.అప్పుడు కూడా  కాలెండర్లు ఉండేవి ,కానీ సెలవు మాత్రం  దచ్చిగిరి బుక్కు తెచ్చి సారు  నోటి నుండి వింటేనే ,అదొక ఆనందం .