ప్రత్యేక హోదా ప్రకటించే అవకాశం.

పవన్ తో చంద్రబాబు కీలక భేటీ..

ప్రత్యేక హోదా ప్రకటించే అవకాశం.

AP కి దీపావళి వెలుగులు.

ఆప్కా నంబర్ భీ ఆయేగా....

ఉద్యోగులకు షాక్...గ్రాట్యుటీ 10 లక్షలకు పరిమితి..

ముందు రైతులతో మొదలు పెట్టారు,తర్వాత డ్వాక్రా మహిళలకు ,తర్వాత నిరుద్యోగులకు..ఇలా ఒకరి తర్వాత ఒకరికి ఒక పద్దతి ప్రకారం లైను గా ఇస్తారు...షాకులు...

అందరూ ఒకేసారి తొందర పడితే ఎలా ..కొంచెం ఓపిక పట్టాలి..

ఆప్కా నంబర్ భీ ఆయేగా....

ఇప్పటికైనా నిజాలు మాట్లాడి..నిజాలు చూపించండి..

ఒకవైపు విభజనకు తానే రెండుసార్లు లేఖలు ఇచ్చానని రొమ్ము విరుచుకొని చెబుతుంటే..

మీడియా మాత్రం సమైఖ్యం కోసం పోరాడిన  జగన్ ను మాత్రం విభజనకు కారణం అని ప్రచారం చేసింది..

విభజన అయిపోయిన తర్వాతైనా  మారారా...

ఈ రోజు రాయలసీమ కోసం గొంతులు  ఎత్తుతుంటే..

ఆ గొంతులు ఎత్తడానికి ఎవరు కారణం అని ఒక్క రోజైనా చూపించారా..

రాజధానులు, శంకుస్థాపన అయిన ప్రాజెక్ట్ లు ,వైద్య సీట్లు ఏక పక్షంగా తరలి పోతుంటే దానికి కారణం అయిన వారిని ఒక్కసారైనా నిలువరించారా..ఈ మీడియా వాల్లు మరియు మేధావులు...

కానీ నేడు తమకు జరుగుతున్న అన్యాయాన్ని గ్రహించి గొంతెత్తు తున్న రాయలసీమ వాల్ల న్యాయమైన కోరికలోని పరమార్థాన్ని గ్రహించకుండా.‌దాన్ని సరిదిద్దకుండా..తిరిగి రాజకీయ స్వార్థానికి వాడుకుంటున్నారు..దానికి మీడియా సపోర్ట్ చేస్తాఉంది..

ఇంకా ఎంత కాలం ప్రజల అభివృద్దిని పట్టించుకోకుండా,నిజాలను దాచి కొంతమంది వ్యక్తుల,రాజకీయ పార్టీలకోసం.. పనిచేస్తారు.

రాయలసీమ వెనుకబాటుకు స్థానిక నేతలే..కారణం.- చంద్రబాబు.

రాయలసీమ వెనుకబాటుకు స్థానిక నేతలే..కారణం.- చంద్రబాబు.

అవునా..సార్..

రాజధాని రాయలసీమకు ఇస్తా ఉంటే..ఏ రాయలసీమ స్థానిక నాయకుడు అడ్డుకున్నాడు..

రాయలసీమకు కేటాయించిన aims లాంటి సంస్థలను ఇంకా..కొన్ని ప్రాజెక్ట్ లను తరలించమని ఏ స్థానిక నాయకుడు చెప్పాడు..

శ్రీశైలం లో కనీస నీటి మట్టాన్ని ఉంచకుండా ఏ స్థానిక నాయకుడు అడ్డుకున్నాడు..

పద్మావతీ మహిళా విశ్వ విద్యాలయం లో స్థానికులకు సీట్లు రాకుండా 120 go తెమ్మని ఏ స్థానిక నాయకుడు సలహా ఇచ్చారు...

పట్టిసీమ go లో రాయలసీమకు
నీల్లు అని లేకున్నా రాయలసీమను సస్యశ్యామలం  చేయడానికే అని చెప్పమని ఏ స్థానిక నాయకుడు చెప్పాడు..

రాక  రాక వెనుకబడిన  కడప జిల్లాకు బ్రాహ్మణి అనే ఉక్కు పరిశ్రమ వస్తే..దాన్ని ఆపమని ఏ స్థానిక నాయకుడు అడ్డుపడ్డాడు.

హంద్రినీవా పంపును ఎత్తుకొని  పోయి  పట్టిసీమ లో బిగించమని ఏ స్థానిక నాయకుడు చెప్పాడు..

రాయలసీమ వాడివని ఇప్పుడు గుర్తుకు వచ్చిందా!

అదేంది రాయలసీమ వాడివని ఇప్పుడు గుర్తుకు వచ్చిందా!

ముందు ఉన్న ఒడంబడికలను తుంగలో తొక్కి రాజధాని ప్రాంతాన్ని ఏకపక్షంగా ప్రకటించి జగన్ ను ఇరుకున పెట్టి ఒప్పించుకున్నప్పుడు,

ఇక్కడకు రావాల్సిన ప్రాజెక్టులు ఇతర ప్రాంతాలకు తరలించినప్పుడు..

ఇక్కడి మహిళా విద్యార్థులకు రావలసిన వైద్య విద్య సీట్లు అందరికీ అని చెబితే రాయలసీమ విద్యార్త్జులు హైకోర్ట్ కు వెలితే , హైకోర్ట్ కొట్టి వేసినా కూడా సుప్రీమ్ కోర్ట్ కు వెల్లినప్పుడు...

రాయలసీమ లో చాలా మటుకు పూర్తి అయ్యి ఉన్న ప్రాజెక్టులను పట్టించుకోకుండా..యుద్ద ప్రాతిపదికన ఇక్కడ ఉండే పంపు ఎత్తుకొని పోయి పట్టిసీమ ప్రాజెక్ట్ కట్టినప్పుడు....

కరువుతో ప్రజలు వలసలు,పశువులు కబేళాలకు తరులుతున్న సమయం లో అట్టహాసంగా రాజధాని శంకుస్థాపన పనులు చేస్తున్న సమయం లో...

రాయలసీమ వాల్లకు నాగరికత లేదు,వాల్లకు బియ్యం తినడం నేర్పింది తమరే అని సెలవు ఇచ్చినప్పుడు..

గుర్తుకు రాలేదా...తమరు రాయలసీమ వాల్లు అని..ఇక్కడ కూడా మనుషులే ఉంటారని...

ఎవరు తెలివైన వాల్లు

ఎవరు తెలివైన వాల్లు

ప్యాకేజీ లు నమ్మని .. వెనుకబడ్డారని చెప్పుకునే..బీహార్ వాల్లా...

లేక ఎంతో అభివృద్ది చెందినామని IT లో ప్రపంచానికే పాఠాలు చెప్పినామని సంకలు కొట్టుకుని ఉచిత హామీలను హోదాలను నమ్మిన .AP వాల్లా..

రేవంత్ రెడ్డి దొరికి పోయి సరి పోయింది...

.....లేక పోతే ఈ పాటికి ఆయనను వీరుడు,శూరుడు,అపరచాణుక్యుడు..MLA లు లేకున్నా కూడా చక్రం తిప్పి MLC ని 

గెలిపించుకున్నాడు అని ,ఆంధ్ర లో భీభత్సంగా జరుగుతున్న అభివృద్దిని చూసి ఇతర పార్టీ MLA లు ఓట్లు వేసారు అని...ఇంకా 

ఎన్నో.. మన మీడియా తెగ భజన చేసి మన చెవుల తుప్పు వదిలేటట్లుగా బాకాలు ఊదేవి..

రాయలసీమ కళాకారులు ..

              ఒక చిన్న స్టీలు స్కేలు ,ఉలి ,బొగ్గు ,చిన్న సుత్తె తో బేతంచర్ల పని వారు అక్కడి నాప రాళ్ళతో రకరకాల లతలు,పుష్పాలు ,ఫ్లోరింగ్ డిజైన్లను చాలా అద్బుతంగా చేస్తారు.అందులో చాలా జామెట్రీ దాగి ఉంది.ఏ పరికరమూ ,యంత్ర సహాయం లేకుండా చాలా ఖచ్హితంగా చేస్తారు.కానీ ఈ మధ్యన ఈ ఆర్టిఫిసీల్ టైల్స్ వచ్హిన తర్వాత వారికి పని తగ్గి పోయింది.ఈ పని లో చాలా మటుకు ముస్లిం మైనారిటీ కి చెందిన వారు ,వెనుక బడిన కులాలకు చెందిన వారు ఉపాధి పొందుతూ ఉండేవారు.ఉపాధి తగ్గినందువలన కొత్త తరం ఈ పనిలోకి రావడానికి జంకుతున్నారు.ఇప్పటికే ఎన్నో కళల ను మనం కోల్పోయాము.కావున ప్రభుత్వం,పెద్దలు స్పందించి ఇటువంటి కళను ,కళాకారులను దూరం కాకుండా చేసు కోవలసిన అవసరం ఉంది.

క్రెడిట్ అంతా ప్రతిపక్షాలకే పోతుంది .

           మొదటి సంతకం రైతు రుణమాఫీ పై పెడతామని అధికారం లోకి  వచ్చి 6 నెలలు అయినా కూడా  ఒక్క రైతు ఖాతా లోకి ఒక్క రూపాయి కూడా  జమ కాలేదు. కొత్త అప్పులు పుట్ట లేదు . దీనిపై  ప్రతిపక్ష పార్టీలు ఒత్తిడి పెంచుతున్నాయి . 

               ఒక వేల అధికార పక్షం ఈ రుణమాఫీ ని  తాము ఎన్నికల ముందు చెప్పినట్లుగా కాకుండా ,అరకొరగా చేసినామంటే  చేసినామని అనిపిస్తే వారు రైతుల విశ్వాసాన్ని పొందలేరు . 

                ఈ మటుకు చేసింది కూడా  ప్రతిపక్షాల వత్తిడికి తలఒగ్గి మాత్రమే చేసారని రైతులు అనుకొంటారు . అధికారపక్షానికి  నిజంగా రైతుల మీద ప్రేమ ఉంటే ఇన్ని రోజులు మొదటి సంతకానికి సమయం పట్టదని అనుకుంటున్నారు. చివరికి ఈ క్రెడిట్ అంతా ప్రతిపక్షాలకే పోతుంది .  

రాజధాని మాత్రం ఎట్టి పరిస్థితుల్లోనూ మన పెరట్లో నే ఉండాలి..

           ఒక వైపు రాజధాని తుళ్లూరు ప్రాంతం వైపు అని ప్రభుత్వం ప్రకటించిన తర్వాత అక్కడ రైతుల భూముల ధరలు విపరీతంగా పెరిగాయని వార్తలు వస్తున్నాయి. మరో వైపు అక్కడ కొంత మంది రైతులు మూడు నాలుగు పంటలు పండే పచ్హని తమ భూములు ఇవ్వమని చెబుతూనే ,రాజధాని అమరావతి,తాడికొండ మండలాల్లో పెట్ట వచ్హుకదా అని చెబుతున్నారు. కానీ రాజధానిని తీసుకొని పోయి ప్రభుత్వ బీడు భూములు ఉన్న చోట పెట్టమని చెప్పడం లేదు.అంటే రాజధాని మాత్రం తమ పెరట్లోనే ఉండాలి కానీ తమ భూముల్లో ఉండకూడదు.

             ఒకప్పుడు వేరుశనగ పంట విపరీతంగా పండే అనంతపురం జిల్లా లోని కదిరి ప్రాంతం లో ,ఇప్పుడు వర్షాలు లేక వేల ఎకరాలు భూముులు బీడు పడి ఉన్నాయి.ఇప్పటికీ అక్కడ ఎకరా భూమి 30000 రూపాయలు ధర కూడా పలకని ప్రాంతాలు ఉన్నాయి.

             ఇటువంటి ప్రాంతం లో రాజధాని పెడితే అక్కడ భూములకు కొంచ మైనా గిరాకీ వచ్హి రైతులు బాగు పడతారు. ఇన్ని రోజులూ ఆంధ్ర ప్రాంతం వాల్లకు నీరు ఇచ్హి రెండు మూడు పంటలు పండే లా చేసి వాల్లను ఆర్థికంగా బలపడేటట్లుగా చేసారు.ఇప్పుడు మల్లీ రాజధానిని తీసుకు వెళ్ళి అక్కడే పెట్టి తిరిగి వాల్లనే బలవంతులను చేస్తున్నారు.

           ఆర్థికాభివృద్దిని ఒకే వైపు కేంద్రీకరిస్తున్నారు.రాయలసీమ వాల్లు కూడా ఈ రాష్ట్రం లోని ప్రజలే అని ప్రభుత్వాలు ,అక్కడి ప్రజలు గుర్తిస్తే బాగుంటుంది.

స్వచ్చ భారత్ ...

ఈ స్వచ్హ భారత్ లో పాల్గొంటున్న వారు వేసుకున్న హ్యాండ్ గ్లౌసులు ,మూతికి కట్టుకునే గుడ్డలు ,మంచి చీపుర్లు మరియు ఈ ప్రొగ్రాం లో పాల్గొనడానికి వచ్హే ముందు వేయొంచు కున్న ఇంజెక్షన్లు ,తీసుకున్న జాగ్రత్తలలో కొంత శాతమైనా ప్రతి రోజూ ఈ స్వచ్హ భారత్ లో ఫోటో లు లేకుండా ,శ్రమించే పారిశుద్ద కార్మికుల కోసం కేటాయిస్తే చాలాసంతోషం.

పాతర్లు ... పిల్లకాయలు .

    ఒకప్పుడు ఊర్లలో జొన్నలు దాచు కోవడానికి పాతర్లు ఉండేవి.5 పుట్లు 6 పుట్లు (ఇంకా పెద్దవి కూడా ఉండేవి )పట్టే  పాతర్లు ఉండేవి.రైతుకు ఎన్ని పాతర్లు ఉంటే అంత గొప్ప .ఆ పాతర్లను పంట వచ్హే ముందు సున్నం కొట్టించి ,అందులో సొప్పతో మంట పెట్టెవారు.దాని వలన ఎన్ని రోజులైనా జొన్నలకు పురుగు వచ్హేది కాదు.

          రైతుకు జొన్నలు అవసరం అయినప్పుడు ఆ పాతరను తీసి నులక మంచాన్ని ఆ పాతర మీద పడుకో బెట్టేవారు.అందులోని చెడుగాలి బయటికి పోయిన తర్వాత జొన్నలు తీయడానికిమనుషులు దిగేవారు.

        ఎవరైనా పాతర తీసినారని తెలుస్తే ఆ రోజు ఆ వీధి లోని పిల్లకాయలు ఆన్నాన్నే తారాడ్తంటారు.పిల్లకాయలకు ఆ రోజు పండగ లాగా ఉండేది.రైతులు ఆ పిల్లకాయల అంగీలో జొన్నలు పోసేవారు.జొన్నలు తీసుకొని అంగటికి పోయి బొంగులో ,నిమ్మప్పులో,చిలక బిస్కట్లో కొనుక్కునేవారు.

       ఇప్పుడు జొన్నలు పండించే వాల్లు తక్కువైనారు,ఒక వేల పండించినా ఈ ఏరోసు లు (వేర్ హవుస్ ,గోడౌన్లు )వచ్హిన తర్వాత పంటని అక్కడికి తోల్తన్నారు.జొన్నలు తీసుకుని బొంగులో ,నిమ్మప్పులో,చిలక బిస్కట్లో ఇచ్హే అంగడి వాళ్ళు లేరు.పాతర్లు పాడు బడ్డాయి. 

ప్రజలు పోలింగు కు 100 శాతం ఎందుకు రావడం లేదు !

     రాజకీయ పార్టీ లు ఓటర్లు పోలింగు కు రావడం లేదని చెబుతూ ,పోలింగు శాతం పెంచడానికి ఓటింగు ను కంపల్సరీ చేయాలని చెబుతూ ఉంటారు . ప్రజలు పోలింగు కు ఎందుకు రావడం  లేదని రాజకీయ పార్టీలు ఎప్పుడైనా ఆలోచించాయా ?ముఖ్యంగా రాజకీయ పార్టీలు  ఇచ్చే హామీల మీద నమ్మకం లేకనే !

                  ప్రతి చిన్న వస్తువు కొన్నా కూడా  వినియోగదారుడు మోస పోకుండా వినియోగ దారుల చట్టం ఉంది . కానీ ప్రజాస్వామ్యం లో ఓటరు కు తానూ నమ్మి ఓట్లు వేసిన ప్రభుత్వాలు తమకు ఇచ్చిన హామీలు నెరవేరుస్తారో లేదో అనే నమ్మకం లేదు .  

                    ఎన్నికల కమీషన్ ఇప్పటి కైనా  సంస్కరణ లు తేవాలి. రాజకీయ పార్టీల హామీలు స్పష్టంగా కూడా ఉండాలి,ఉదా: సింగపూర్ చేస్తాను,అమెరికా చేస్తాను,ఆఫ్రికా చేస్తాను లాంటి అస్పష్టమైన హామీలు ఉండ  కూడదు . రాజకీయ పార్టీలు ఇచ్చే హామీల మీద బడ్జెట్ చూపించి నిధులు ఏ రూపంగా సేకరిస్తారో ,ఎంత సమయం లోపల ఆ హామీలు నేర వేరుస్తారో రాజకీయ పార్టీల నుండి రాతపూర్వకంగా  తీసికోవాలి . ఎన్నికల కమీషన్ ఆ హామీల మీద సంతృప్తి  చెందిన తర్వాత నే ఆ పార్టీలు మానిఫెస్టో లో పెట్టాలి . ఒక వేల ఆ హామీలు ఆ నిర్దిష్ట సమయం లోపల నెరవేరక పోతే ఆ ప్రభుత్వం ఆటోమాటిక్ గా రద్దయ్యే గా చట్టం చేయాలి. తిరిగి ఎన్నికలు నిర్వహించాలి . ఆ ఎన్నికల ఖర్చును హామీలు నెరవేర్చ లేక అధికారం నుండి  దిగి పోయే రాజకీయ పార్టీ నుండి  వసూలు చేయాలి . ఆ అసత్యపు  హామీలు ఇచ్చిన రాజకీయ పార్టీ ని కొన్ని సంవత్సరాల పాటు తిరిగి ఎన్నికలలో పోటీ చేయ కుండా నిషేధించాలి . 

                           అప్పుడు చూడండి ఓటర్లు పోలింగుకు ఎందుకు  బారులు తీరరో !తాము కోరుకున్న పార్టీని ,తమకు నచ్చిన హామీలు ఇచ్చిన పార్టీని ఎన్నుకోవడానికి  ఓటర్లు బారులు తీరి పోలింగు బూతు కు వస్తారు . 

                     

జగన్ అధికారం లోకి రాక పోవడం మంచిదైంది !

ఒక వేల జగన్ అధికారం లోకి వచ్చి ఉండుంటే   --- , వివిధ మీడియా చర్చల్లో టి. డి. పి  నాయకులు ,మరియు వారికి సంభందించిన మీడియా  ల లో-- "టి. డి. పి అధికారం లోకి వచ్చి ఉండింటే  ఈ పాటికే లక్షా రెండు  వేల కోట్ల రైతు  రుణమాఫీ జరిగి పోయి ఉండును ,అలాగే డ్వాక్రా రుణమాఫీ ,అందరికీ ఉద్యోగాలు ,ఉద్యోగం రాని  వారికి నిరుద్యోగ భృతి ,కాలేజి పిల్లలకు ట్యాబులు ఇలా తాము మానిఫెస్టో లో  ప్రకటించిన  ప్రతి పని ,పైన మోడి ఉన్నారు కాబట్టి  ఈ పాటికే అయి పోయి ఉందును అని" , ఎన్నికల ముందు  తమ కు సంభందించిన మీడియా లో ఎలా ప్రచారం చేసారో  అలా ఊదర గొట్టేసేవారు . పాపం ప్రజలు కూడా  తాము జగన్ ను అధికారం లోకి తీసుకు వచ్చి చాలా తప్పు చేసామని భావించే పరిస్థితిని కల్పించే వారు . ఆ పథకాలను ఎలాగైనా అందుకోవటానికి తక్షణం జగన్ ను అధికారం లో నుండి   దించి ,  టి. డి. పి ని అధికారం లోకి తీసుకు రావాలన్నంతగా  ప్రచారం ఉండేది . ఆ ప్రమాదం ఇప్పుడు తప్పి పోయింది . 

శుభాకాంక్షలు

అందరికీ స్వాతంత్ర్య దినోత్సవ  శుభాకాంక్షలు .  

మీ సాయం అక్కరలేదు ...

"ఋణమాఫీ కి మా సాయం ఉండదు "----వెంకయ్య నాయుడు . 

"సార్  అంధ్రప్రదేశ్ కు మీ సాయం అక్కరలేదు ,ఎందుకంటే ఇక్కడ ఋణమాఫీ అయిపోయింది ,ఋణమాఫీ పొందిన ప్రజలు ఆనందం లో సన్మానాలు కూడా  చేస్తున్నారు ." 

కావాలంటే తెలంగాణా కు మీ సాయం ఏమైనా అవసరమేమో కనుక్కోండి .         

అధికారం కోసం ..అభివృద్ధి ఆమడ దూరం .....

15000 కోట్ల లోటు తో విడి పోయిన తర్వాత మన పరిస్థితి తెలిసి కూడా  అధికారం కోసం అలవి గాని హామీలను గుప్పించడం దూరదృష్టి ,దార్శనికత ఉన్న నాయకులకు తగదు. అధికారం లోకి వచ్చిన తర్వాత అధికార పార్టీ ఏ  హామీలను ఇచ్చి అధికారం లోకి వచ్చారో  ఆ హామీలను నెర   వేర్చమని సహజంగానే ప్రతిపక్ష పార్టీలు  డిమాండ్ చేస్తాయి . అధికార ,ప్రతిపక్షాలు ఈ హామీల పైనే రాజకీయపు  ఎత్తులు పై ఎత్తులు వేయడం తో సరి పోతుంది .అభివృద్ధి పైన ఆలోచనలు వెల్లవు.  విడిపోయి కొన్ని సంవత్సరాలు వెనుక పడి పోతే ,ఈ రాజకీయాలలో మరి కొన్ని సంవత్సరాలు వెనక్కి పోతుంది . ఎ.పి . విడిపోయిన తర్వాత 15000 కోట్ల రూపాయల లోటు మరియు రాజధాని లేమి ఉన్న పరిస్థితిలో అటువంటి హామీలను ఇచ్చి ఉండవలసింది కాదు. ఎ.పి అభివృద్దిలో అధికార పక్షం ,ప్రతిపక్షం చేతిలో చెయ్యి వేసుకొని పరస్పరం సహకరించుకుంటూ పని చేసుకోవలసిన  సందర్భం ,అవకాశం ఇప్పుడు తప్పిపోయినట్లే కనిపిస్తుంది .దార్శనికత ,దూరదృష్టి లేని నాయకులు ఉండడం అంధ్రప్రదేశ్  ప్రజలు చేసుకున్న దురదృష్టం .    

ఇంజనీర్ కావాలంటే అక్కడ మాత్రమే చదవాలి......

            ఇప్పటికే ఈ కార్పొరేట్ విద్యా వ్యవస్థ వలన ,ప్రభుత్వ విద్యావ్యవస్థలు మూతపడే స్థాయికి వచ్చినాయి . తీరా ఈ కార్పొరేట్ విద్యావ్యవస్థ వలన ఏమైనా మెరుగు పడిందా అంటే అదీ లేదు. చాలా మంది పేదలు విద్యకు దూరం అవ్వాల్సిన పరిస్థితి.విద్యలో కూడా నాణ్యత లోపించింది .  

     

                    ఇప్పుడు కార్పొరేట్ కాలేజీలల్లో చదువుతున్న విద్యార్థులకు ఇంటర్ లో మార్కులు చాలా మందికి 95 శాతానికి పైగా వస్తున్నాయి,ఇంకా కొన్ని సబ్జక్టుల్లో అయితే 100 శాతం వస్తున్నాయి. కానీ  EAMCET  విషయం లోకి వచ్చేసరికి ర్యాంకులు వేలల్లో ,లక్షల్లో వస్తున్నాయి.ఇదేం  చదువో అర్థం కావడం లేదు.  

                    ఇటువంటి పరిస్థితి ఉంటే ఇప్పడు ఏకంగా మంత్రి గారు ఇంజనీరింగు అడ్మిషన్లను ఇంటర్ మార్కుల ఆధారంగా చేయడానికి స్టడీ చేస్తున్నామనడం చాలా హాస్యాస్పదంగా ఉంది . ఇదే కనుక అమలు చేస్తే ఇంజనీరింగు కావాలంటే ఆ రెండు కార్పొరేట్ కాలేజీల లోనే చదవాలని పరోక్షంగా సూచించడమే! 

చంద్రబాబు గారు మాట నిలబెట్టుకునేటట్లు గానే కనిపిస్తున్నారు !

చంద్రబాబు గారు ఎన్నికల ప్రచారం  లో భాగంగా "ఏం  తమ్ముడూ నీకు ఋణ  మాఫీ వద్దా "," ఏం  చెల్లెమ్మా నీకు డ్వాక్రా ఋణ  మాఫీ వద్దా " అని వేలు చూపిస్తూ అడిగినప్పుడు ,ప్రజలనుండి కావాలి..కావాలి .. అని కేకలు . ఆ ప్రచారం ఇప్పటికీ ప్రజలకు కళ్ళకు కట్టినట్లుగా గుర్తుకు వస్తూనే ఉంది . ఆయన మాటలు నమ్మి ప్రజలు ఎంతో ఆశతో ఓట్లు వేసి ఆయనను అధికారం లో కూర్చో బెట్టి ఇప్పటికి దగ్గర ,దగ్గరగా  నెల రోజులు అయ్యింది . కానీ ఋణ  మాఫీ గురించి  ఊసే లేదు ,మిగతా హామీల సంగతి దేవుడెరుగు! దీన్ని బట్టి  చూస్తే  చంద్రబాబు గారు "మాట తప్పడం లో " మాట నిలబెట్టుకునేటట్లు గానే కనిపిస్తున్నారు !   

మీడియా మరియు వార్తా పత్రికలు ప్రజా పక్షం వహించి ప్రతి పక్ష పాత్ర పోషించాలి!

            మీడియా మరియు వార్తా పత్రికలు ప్రజా పక్షం వహించి ప్రతి పక్ష పాత్ర పోషించాలి. ఎందుకంటే ఎన్నికలలో వివిధ హామీలు ఇచ్చి అధికారం లోకి వచ్చిన తర్వాత ప్రభుత్వం ఇచ్చిన మొట్టమొదటి హామీ వ్యవసాయ  ఋణమాఫీ  మీద రైతులు ఎదురు చూస్తున్నారు . ఇది ఆలస్యం చేస్తే ,ఒక వేల ఋణమాఫీ చేయక పోతే ఇప్పడు  ఖరీఫ్ కోసం కొత్త ఋణాలు  బ్యాంకులు ఇవ్వక పోగా ,ముందు తీసుకున్న ఋణాలకు వర్తించే సున్నా శాతం వడ్డీ కూడా  వర్తించదు .మొత్తం వడ్డీ కూడా  కట్ట వలసిన పరిస్థితి . ఇటువంటి క్లిష్ట సమయం లో నైనా పత్రికలు ,మీడియా ప్రజల వైపు ఉండి ప్రతిపక్ష పాత్ర వహించి ప్రజల తరుపున న్యాయం కోసం పోరాడాలి ,ఒక వేల ఈ సమయంలో కూడా పోరాడక పోతే మీడియా కు విశ్వసనీయత పోతుంది. పోరాడక పోతే ప్రజాస్వామ్యంలో ఫోర్త్ ఎస్టేట్ గా పిలువబడే మీడియా కు  అర్థమే ఉండదు .