మయూఖ

శుభాకాంక్షలు

2012-01-14T15:31:00.000+05:30

అందరికీ సంక్రాంతి శుభాకాంక్షలు.

శుభాకాంక్షలు

2012-01-01T19:51:00.001+05:30

బ్లాగు వీక్షకులకు ,బ్లాగు మిత్రులకు అందరికీ నూతన ఆంగ్ల సంవత్సర శుభాకాంక్షలు.

ఐదు రకాల ప్రజలు !సరదాగా !

2011-12-03T15:35:00.003+05:30

నేను ఈ మధ్య ఎక్కడో చదివాను.దాన్ని ఇక్కడ రాస్తున్నాను.ఎవరినీ నొప్పించడానికి కాదు.సరదాగా తీసుకోండి.అన్ని సందర్భాలలో ను ఇది నిజం కాక పోవచ్చు.
స్కూల్లో...
1) మొదటి తరగతి లో పాస్ అయిన చాలా మంది ఇంజనీరులో లేక డాక్టర్లో అవుతారు.

2) రెండవ తరగతి లో పాస్ అయిన వాళ్ళు ఎం.బి.ఎ లు చేసి అడ్మినిస్ట్రేషన్ లో చేరి పైన వారిని కంట్రోల్ చేస్తారు.

3) మూడవ తరగతి లో పాస్ అయిన వాళ్ళు రాజకీయాలలో చేరి ఎం.ఎల్.ఎ గానో మంత్రి గానో అయ్యి పై ఇద్దరినీ కంట్రోల్ చేస్తారు.

4) ఫెయిల్ అయిన వాళ్ళు మాఫియా లోనో ,లేక రౌడిజం లోనో చేరి పై ముగ్గురినీ కంట్రోల్ చేస్తారు.

5) ఇంక చివరగా అసలు స్కూలు మొఖం చూడని వాళ్ళు బాబా లుగా స్వామీజీ లు గా మారి పైన నలుగురినీ తమ చుట్టూ తిప్పుకుంటారు.

పట్నం మింగేసింది !

2011-12-01T17:42:00.003+05:30

మా ఊరి పేరు మారి పోయింది.ఏదో నోరు తిరగని పేరుతొ పిలుస్తున్నారు.
మా ఇరుగు పొరుగు లేరు .మా ఇంటి చుట్టూ పక్కలా ఎవరెవరో ఉన్నారు.
మాకు అర్థం కాని రకరకాల భాషలు మాట్లాడుతున్నారు.
మా భాషను మా యాసలో నోరారా మాట్లాడుకోవడానికి ఎవరూ కనపడ్డం లేదు.
మా పండుగలు కనపడ్డం లేదు ,వేరే పండుగలు చేస్తున్నారు.
మా సంస్కృతీ కనపడ్డం లేదు.
మా బాధను మన అనే వాళ్ళతో పంచుకుందామంటే ఎవరూ కనపడ్డం లేదు.
అంతా యాంత్రికంగా పరుగులు పెడుతున్నారు.
మా ఊరిని మమ్మల్ని పట్నం మింగేసింది.

దయచేసి సమాధానాలు చెప్పగలరు.

2011-11-25T10:23:00.002+05:30

1) వేగంగా వెళ్ళే బస్సు లో గానీ ఏదైనా వాహనం లో గానీ ఒక ఈగ గానీ ఒక కీటకం గానీ ఎగురుతూ ఒకే స్థానంలో ఉంటే ఆ కీటకం ఆ బస్సుకు కొట్టుకుంతుందా?కొట్టుకోదా ? కారణం ఏమి?

2) ఒక పంజరం లో ఒక పక్షి ని ఉంచి ఆ పక్షి ఆ పంజరం లో కూర్చున్నప్పుడు పంజరం తో సహా బరువును త్రాసులో తూచినప్పుడు ,ఆ పక్షి అదే పంజరంలో కూర్చోకుండా ఎగురుతూ ఉన్నప్పుడు ఉన్న బరువు సమానంగా ఉంటాయా? ఎందుకు?

దయచేసి బ్లాగు మిత్రులు వివరంగా సమాధానాలు చెప్పగలరు.

పెద్ద పెద్ద మానేజ్మెంట్ గురులు ఏమంటారో!

2011-11-03T11:04:00.003+05:30

మన పల్లెటూర్లలో రజక వృత్తి చేసే వాళ్ళ పని చాలా అద్బుతంగా ఉంటుంది.ఎందుకంటే వాళ్ళు చాలా మందివి, చాలా ఊర్లవి బట్టలు ఉతుకుతూ ఉంటారు.వాళ్ళు చాలా మటుకు నిరక్షరాస్యులు.అయినా కానీ ఒకరి బట్ట ఒకరికి మారకుండా తీసుక వచ్చి అప్పగిస్తుంటారు.పెద్ద పెద్ద మేనేజ్మెంట్ కళాశాలల్లో చెప్పే సిక్స్ సిగ్మా స్టాండర్డ్స్ గురించి వారికేమీ తెలవదు.అయినా కానీ వాళ్లకు పుట్టుకతో అబ్బిన విద్య వలన వాళ్ళ పనులలో వాళ్ళు చాలా అద్బుతంగా రానిస్తుటారు.వీరిని చూస్తే మన గొప్ప గొప్ప మానేజ్మెంట్ గురులు ఏమంటారో.

కళ్ళు బైర్లు కమ్మే ఫీజులు వసూలు చేస్తున్న ప్రైవేట్ స్కూళ్ళు.

2011-11-02T11:21:00.003+05:30

నేను ఈ రోజు మా అమ్మాయిని ప్రస్తుతం చదువుతున్న స్కూలు నుండి వేరే స్కూల్లో చేర్పిస్తామని విచారించడానికి వెళ్లి ఫీజు గురించి అడిగితే ఐదంకెల ఫీజు చెప్పారు.అంతకంటే ఎక్కువ తీసుకునే వాళ్ళు కూడా ఉన్నారు.ఎందుకు అంత ఫీజు అడుగుతున్నారని అడిగితే ఇచ్చేవాళ్ళు ఉన్నారు మేము తీసుకుంటున్నాము అని వాళ్ళ సమాధానం.నేను ఏమీ ఖర్చు లేకుండా ప్రభుత్వ స్కూల్లో చదివాను.కానీ ఈ వాళ పరిస్థితి మధ్య తరగతి మానవునికి చాలా ఇబ్బంది గా తయారైంది.ఈ మధ్యన నడమంత్రపు సిరి వచ్చిన వాళ్ళతోనే ఈ పరిస్థితి.వీళ్ళు డబ్బు ఎంత ఎక్కువ కడితే అంత బాగా చదువు చెబుతారనే భ్రమలో ఉన్నారు.ఒక వేల స్కూలు యాజమాన్యాలు తక్కువ ఫీజు తీసుకుంటే వీళ్ళకు రుచించదు.దాని కోసమే స్కూలు యాజమాన్యాలు ఫీజు పెంచిన సందర్భాలు ఉన్నాయి.ఒకవైపు ప్రభుత్వ స్కూళ్ళ ను నాశనం చేసారు.అలా అని ఈ ప్రైవేట్ స్కూళ్ళు అంత బాగా ఏమీ చెప్పడం లేదు.తిరిగి పిల్లలతో పాటు మనము కుస్తీ పట్టాలి.మధ్యతరగతి ప్రజలు తమ పిల్లలను ఎలా చదివించు కోవాలో అర్థం కావడం లేదు.ఈ ప్రైవేట్ స్కూళ్ళల్లో ఫీజుకు ప్రభుత్వ నియంత్రణ ఉండాలి.లేకపొతే సామాన్య ప్రజలు స్కూలు వైపు వెళ్ళే పరిస్థితి ఉండదు.

ఎవరికోసం రూపాయికి కిలో బియ్యం ?

2011-09-22T10:48:00.002+05:30

ఒక రూపాయకే కిలో బియ్యం అని ప్రభుత్వం ఆర్భాటంగా ప్రకటించింది.కానీ క్షేత్ర స్థాయిలో ఆ బియ్యం మెజారిటీ లబ్దిదారులు ఆ రేషన్ బియ్యం మేము తినడం లేదు ,మేము సన్న బియ్యం కొనుక్కుంటున్నాం అని గర్వంగా చెప్పుకుంటున్నారు.రేషన్ బియ్యాన్ని వాళ్ళు అమ్ముకుంటున్నారు.ఆ బియ్యం రీసైకిల్ అయ్యి వాటిని సిటీ లోపట్టణాలలో ఉండే ప్రజలు కిలో ముప్పై రూపాయలు పెట్టి కొనుక్కొని తింటున్నారు ,.కావున ఈ పథకం చాలా దుర్వినియోగం అవుతున్నది.నిజమైన అవసరమైన లబ్దిదారులకు మాత్రమే అందేటట్లు ప్రభుత్వం చర్యలు తీసు కోవాలి.

మీడియా అత్యుత్సాహం !

2011-09-16T16:20:00.003+05:30

ఈ రోజు ఉదయం నుండి ఒక చానల్ అంబటి గురించి అదే పనిగా ప్రసారం చేస్తుంది.దేశం లో ఎన్నో సమస్యలు ఉండగా అంబటి విషయమే దేశాన్ని పట్టి పీడిస్తున్న అతి ముఖ్యమైన విషయం అన్నట్లు అతి విలువైన మీడియా కాలాన్ని వృధా చేస్తున్నారు.అంబటి అనే మనిషి ఒక వ్యక్తి మాత్రమే,అతను ఏ విధమైన రాజ్యాంగ పదవులలో లేడు.అతను ఒక వేళ తప్పు చేసి ఉన్నట్లయితే ఇబ్బందులకు గురైన వ్యక్తులు పోలీస్ స్టేషన్కు వెళ్లి ఫిర్యాదు చేస్తే చట్టం తన పని తాను చేస్తుంది.అలా కాకుండా చానల్ అదే పనిగా ఈ విషయాన్నే ఉదయం నుండి చర్చను కొనసాగిస్తా ఉంటే భాధితులకు న్యాయం చేయాలనే ఉద్దేశ్యం కాకుండా ఇంకేదో ఉద్దేశ్యం ఉన్నట్లు చూసే వాళ్లకు అనిపిస్తుంది.ఇప్పటికే మీడియా వాళ్లకు రకరకాల రాజకీయాలు అంటకట్టబడిఉన్నాయి.వాటిని నిజం చేయాలని చూడకూడదు.

రాజరిక పాలనే నయమా!

2011-09-16T10:01:00.006+05:30

పూర్వం రాజుల పాలనలో రాజులు తమ రాజ్యం లోని ప్రజలు ఎలా ఉన్నారో తెలుసుకోవడానికి మారు వేషాలలో తిరిగి వారి కష్ట సుఖాలను తెలుసుకొని ప్రజల మనసెరిగి పరిపాలన సాగించారని విన్నాం.కాని ప్రజల కోసం ,ప్రజల చేత ఎన్నిక కాబడిన ప్రజాస్వామ్య ప్రభుత్వాలు అని చెప్పబడుతున్న ప్రస్తుత ప్రభుత్వాలు ,పాలకులు ప్రజల కోసం ఏమి చేస్తున్నారో గమనించాలి.ప్రజలు కట్టగలిగే పరిస్థితిలో ఉన్నారా లేదా అని చూడకుండా నిత్యం ఏదో ఒక రూపానా పన్నులు పెంచేస్తున్నారు.మొన్న వ్యాట్ ,తరచుగా పెట్రోల్ ,గ్యాస్ ధరలు,నిత్యావసరాల ధరలు పెరుగుతూ ఉన్నాయి.మెజారిటీ ప్రజలు ఏ విధంగా బ్రతుకుతున్నారో పాలకులకు పట్టడం లేదు.ప్రజలను ప్రభుత్వాలు ఏమీ పోషించడం లేదు.వాళ్ళ కష్టం వాళ్ళు పడి తమ బ్రతుకులు బ్రతుకుతూ ప్రభుత్వాలను,పాలకులను "వివిధ రకాల పన్నులు "కట్టి ప్రజలు పోషిస్తున్నారు.ఇప్పటికైనా పాలకులు ప్రజల మనసెరిగి పరిపాలన సాగించాలి లేదంటే తమ మనస్సులలోన ఉండే ఆవేదన ,ఆక్రోశం బ్రద్దలై పాలకులకు బుద్దిచెప్పే రోజు వస్తుంది.

అశ్రునివాళి.

2011-09-02T11:16:00.002+05:30

భౌతికంగా మా మధ్యన నీవు లేకున్నా ,మా మనసంతా నీవే ...రాజశేఖరా ,నీ ఆత్మకు శాంతి చేకూరాలని మనస్పూర్తిగా కోరుకుంటూ ఇవే మా అశ్రునివాలులు .

ఆత్మకు శాంతి కలగాలని కోరుకుంటూ..

2011-07-08T10:43:00.001+05:30

ప్రజా నాయకుడు రాజశేఖర రెడ్డి గారి 62 వ జయంతి సందర్భంగా ఆయన ఆత్మకు శాంతి కలగాలని కోరుకుంటూ ....

ఎవరి మెప్పు కోసం ఈ గోబెల్స్ ప్రచారం......

2011-06-23T21:34:00.004+05:30

జగన్ గారు ఓదార్పు యాత్రలో భాగంగా అనంతపురం జిల్లాలోని పుట్టపర్తి ప్రాంతం లో పర్యటించినపుడు ,ఎంతో మంది భక్తుల ఆరాధ్య దైవమైన సాయిబాబా గారు పరమ పదించిన తర్వాత ఆయన కుమారుడైన రత్నాకర్ గారిని జగన్ గారు మానవతా దృక్పథం తో పరామర్శించడం కొంత మీడియా బురద చల్లడానికి ఒక అవకాశంగా తీసుకొని తిరిగి తమ విశ్వసనీయతను మరొక సారి పోగొట్టుకున్నాయి.జగన్ గారి ఓదార్పు యాత్రకు వస్తున్న స్పందన చూసి దాన్ని తగ్గించి చూపడానికి కొన్ని మీడియా సంస్థలు ఈ పనికి పూను కొన్నాయి.జగన్ గారు ఓదార్పు యాత్ర కు ఒక ప్రాంతానికి వెళ్ళినపుడు ఆ ప్రాంతంలో ఉన్న ప్రముఖులు అనారోగ్యం పాలైనపుడు గాని ,వాళ్ళ బంధువులు చనిపోయినపుడు గాని వాళ్ళు తమతో రాజకీయంగా విభేదించినప్పటికీ వాళ్ళను పరామర్శిం చడం ఆనవాయితీ.అది వాళ్ళ మానవత్వానికి ఒక నిదర్శనం.ఉదాహరణకు ఎం.పి . హర్షకుమార్ గారు ఆసుపత్రి లో ఉన్నప్పుడు కూడా జగన్ గారు ఆ ప్రాంతానికి వెళ్ళినప్పుడు పరామర్శించారు.జగన్ గారు మాత్రమే కాదు,వాళ్ళ తండ్రి రాజశేఖరరెడ్డి గారికి కూడా శత్రువులకు కూడా సహాయం చేసే లక్షణం ఉంది.అందుకే వాళ్లకు ప్రజలలో విశ్వసనీయత ఉంది. మిగతా రాజకీయ నాయకుల లాగా ఎన్నికలప్పుడు మాత్రమే ప్రజలకు డ్రామాలు వినిపించి తర్వాత ప్రజలను పట్టించు కోకుండా ఉండే రకం కాదు.సాయబాబా గారు జీవించి ఉన్నప్పుడు ఆయన చుట్టూ చీటికీ మాటికి తిరిగి ఆయన దగ్గర ఎప్పుడు పడితే అప్పుడు కనిపించి ఆయన ద్వారా పనులు చేయించుకొని ,ఆయన మరణ శయ్య మీద ఉన్నప్పుడు తమ తమ ఆర్ధిక లావాదేవీలు పరిష్కరించుకొని తర్వాత అటువైపు చూడని పెద్దమనుషులు ఉన్నారని ఆరోపణలు వస్తున్నాయి.వై.ఎస్.వాళ్ళు ఎప్పుడూ అటువంటి పనులు చేయలేదు,మీడియా ద్వారా నాయకులు కాలేదు .దమ్ముగా ప్రజలలో నుండి వచ్చారు,ప్రజల గుండెల్లో పదిలంగా ఉన్నారు.ఇప్పటికైనా మీడియా సంస్థలు ప్రజలు నవ్వుకునేటట్లు ఉన్న తమ గోబెల్స్ ప్రచారం మానుకుంటే కొంతవరకైనా వాళ్ళ విశ్వసనీయతను నిలుపుకుంటారు.

డబ్బుల కోసం ఏమైనా చేస్తారా?

2011-05-31T07:39:00.004+05:30

మన రాష్ట్రంలో పేరున్న ఒక చానల్ ఇంకొక చానల్ యాజమాన్యానికి సంభంధించిన తలకు పెట్టుకునే ఆయుర్వేద మందు గురించి ,ఆ మందు పనికి రానిదని ప్రజలను మోసం చేస్తున్నారని ఒక రోజంతా నిపుణులతో ఆ చానల్ లో చర్చా కార్యక్రమం పెట్టి ఆ మందు పనికి రానిదని తేల్చేసారు.కానీ అదే చానల్ కు సంభందించిన పత్రికలో మాత్రం ఆ మందు కు సంభంధించిన ప్రకటన మొదటి పేజీ లో చూసి నేను ఆశ్చర్య పోయాను.ప్రకటనకు డబ్బులిస్తే ఏమైనా వేస్తారా ? ఇతరులకు నైతిక విలువలు భోదించే వరకేనా ?తమకు నైతికత అక్కరలేదా?ఇటువంటి వాటి వలెనే పత్రికలు విశ్వసనీయత కోల్పోయాయి.

మీసాలు తెగి పడ్డాయి,తొడలు బొబ్బలెక్కాయి.

2011-05-14T08:53:00.003+05:30

మీసాలు తెగిపడ్డాయి.తొడలు బొబ్బలెక్కాయి.అధికార ,ప్రతిపక్షాలు కుమ్మక్కై ముప్పేట దాడి చేసినా వై.ఎస్.ఆర్ .కాంగ్రెస్స్ పార్టీ కడప ,పులివెందుల ఉప ఎన్నికలలో భారీ మెజార్టీ తో బోణీ కొట్టింది.జగన్ పేరుతో మరియు విజయమ్మ పేరుతో పదిమంది చేత నామినేషన్లు వేయించి, అధికార యంత్రాంగాన్ని దుర్వినియోగం చేసి వై.ఎస్.ఆర్. పార్టీ కార్యకర్తల మీద అన్యాయంగా బైండోవర్ కేసులు పెట్టించి ,విచ్చల విడిగా డబ్బులు పంచి ,గెలవడానికి అధికార పార్టీ చేయని కుట్ర అంటూ ఏమీ లేదు.అయినా కూడా కడప వోటర్లు వాళ్ళ ప్రలోభాలకు లొంగ కుండా విశ్వసనీయతలో రాజశేఖర రెడ్డి గారి వారసులమని మరోసారి చాటి చెప్పారు.అధికార ,ప్రతిపక్షాలు ఎన్ని మేకపోతు గాంభీర్యపు మాటలు మాట్లాడుతున్నా రాష్ట్రమంతా ఇదే పరిస్థితి ఉంది.అపజయాన్ని ఇప్పటికైనా హుందా గా ఒప్పుకుంటే ప్రజలు వాళ్ళను మన్నిస్తారు.

మొగుణ్ణి కొట్టి మొగసాల కెక్కినట్లు....

2011-05-01T16:08:00.004+05:30

మొన్న జరిగిన అసెంబ్లీ మరియు పార్లమెంట్ ఎన్నికల్లో ,మరియు ఇప్పుడు జరుగుతున్న కడప,పులివెందుల ఉప ఎన్నికలల్లో ప్రచారానికి వెళ్ళిన బాలకృష్ణ,చిరంజీవి మరియు ఇప్పుడు నిల్చున్న తెలుగుదేశం అభ్యర్థి తొడగొట్టి ,మీసాలు తిప్పి తమ కున్న ఫ్యాక్షన్ మనస్తత్వాన్ని చాటుకుంటున్నారు.రాజశేఖర రెడ్డి గానీ,జగన్ గానీ ఎప్పుడూ తొడగొట్టి మీసాలు మెలేయలేదు.ఎవరు ఫ్యాక్షన్ మనస్తత్వం ఉన్న వాళ్ళో,దీన్ని బట్టి అర్థం అవుతున్నది, .కానీ తెలుగుదేశం నాయకులు మరియు ఇతర ప్రతిపక్షం వాళ్ళు రాజశేఖర రెడ్డి వాళ్ళ కుటుంబాన్ని ఫ్యాక్షన్ కుటుంబంగా ముద్ర వేసి గోబెల్స్ ప్రచారం చేసారు.అందుకే ప్రజలు వీళ్ళ ప్రచారాన్ని ఎవరూ నమ్మకుండా వై.ఎస్. నాయకత్వాన్ని రెండు సార్లు బలపరిచారు.ఇది ఎలాగుందంటే మొగుణ్ణి కొట్టి మొగసాలకెక్కి నట్లుంది.ఇప్పటికైనా ప్రతిపక్షం వాళ్ళు గోబెల్స్ ప్రచారం మానుకుంటే మంచిది.

నడిచే దైవం నడక ఆగింది.

2011-04-24T17:56:00.004+05:30

రాయలసీమలోని అత్యంత వెనుకబడిన జిల్లాలో పుట్టి లక్షలాది ప్రజలు చేత భగవంతుని స్వరూపంగా కీర్తింపబడి ఒక చరిత్ర సృష్టించిన సత్యసాయిబాబా గారు పరమ పదించారు.ఆయన మీద వచ్చిన విమర్శలను పక్కన పెడితే ఆయన చేసిన సేవలు మాత్రం మరువలేనివి.ఆయన ఆత్మకు శాంతి కలగాలని కోరుతూ...

ఇదేమి నైతికత ?

2011-04-05T14:32:00.004+05:30

నిన్న మొన్నటి వరకు వై.ఎస్. ఫోటో వలన తాము గెలవలేదని కేవలం సోనియా గాంధి ఫోటో వలన మాత్రమే గెలిచామని ప్రగల్బాలు పలికి ,అధికార మరియు పార్టీ కార్యక్రమాల్లో కూడా వై.ఎస్ . ఫోటో పెట్టకుండా చేసి ప్రజల మనస్సుల్లో నుండి ఆయనను తీసి వేయాలని విశ్వ ప్రయత్నాలు చేసిన కాంగ్రెస్స్ పార్టీ నాయకులు ఈ రోజు కడప ,పులివెందుల ఉప ఎన్నికల కోసం వై.ఎస్. తమ వాడే అంటున్నారు.వై.ఎస్. ను కాంగ్రెస్స్ వాళ్ళే తిట్టినప్పుడు కూడా ఆ పార్టీ వాళ్ళు ఏమీ అన లేదు.అటువంటి వాళ్ళు జగన్ పార్టీ జెండా లో వై.ఎస్. ఫోటో పెట్టకూడదు అని అంటున్నారు.ఇది ఏమి నైతికత .ప్రజలు అసహ్యించుకుంటారని కూడా లేకుండా మొన్న ఎం.ఎల్.సి.ఎన్నికలలో జగన్ ను ఎదుర్కోవడానికి ప్రతిపక్షాలతో పొత్తు పెట్టుకొని ,అధికార దుర్వినియోగం చేసినారు .అయినా కూడా జగన్ వర్గం మూడు స్థానాలు గెలుచుకుంది.వీళ్ళు ఎన్ని కుయుక్తులు పన్నినా కడప,పులివెందుల స్థానాలలో వై.ఎస్.ఆర్.కాంగ్రెస్స్ పార్టీ ని భారీ మెజారిటీ తో గెలిపించడానికి ప్రజలు సిద్దపడి ఉన్నారు.

"కాంగ్రెస్స్" అనే పదం కాంగ్రెస్స్ పార్టీ సొత్తు ఏ మాత్రం కాదు.

2011-03-12T21:09:00.006+05:30

జగన్ గారు వై.ఎస్.ఆర్.కాంగ్రెస్స్ పార్టీ జెండా ను ఆవిష్కరించినారు.కానీ పార్టీ పేరు మీద కొంత మంది కాంగ్రెస్స్ వాళ్ళు తప్పు పడుతున్నారు.వాళ్ళ అభ్యంతరమంతా కాంగ్రెస్స్ అనే పదం మీదే.కానీ "కాంగ్రెస్స్" అంటే డిక్షనరీ అర్థం "ఫార్మల్ మీటింగ్" అని.కావున కాంగ్రెస్స్ అనే పదం కాంగ్రెస్స్ పార్టీ సొత్తు ఏ మాత్రం కాదు.దీన్ని విమర్శలు చేస్తున్న నాయకులు గుర్తించాలి.వై.ఎస్.ఆర్.కాంగ్రెస్స్ పార్టీ ఇప్పుడు జరగబోయే ఉప ఎన్నికలలో బోణీ కొట్టి ,తర్వాత జరిగే శాసన సభ,పార్లమెంట్ ఎన్నికలలో ఘనవిజయం సాధిస్తుందని ఆశిస్తున్నాను.

తెలుగుతల్లి కంట మరొక సారి కన్నీరొలికింది.

2011-03-11T09:31:00.004+05:30

తెలుగు జాతి మరొక సారి అవమానాల పాలైంది.ఆఫ్గనిస్తాన్ లోని బమియాన్ బుద్ద విగ్రహాల కూల్చివేత కు ఏమాత్రం తీసిపోకుండా టాంక్ బండ్ మీద ఉన్న తెలుగుజాతి సాంస్కృతిక సంపదకు మరియు పౌరుషానికి ప్రతీకలైన మహాపురుషుల విగ్రహాలను పనిగట్టుకొని ధ్వంసం చేసారు.ఈ దృశ్యం చూసిన నిజమైన ప్రతి తెలుగువాడి గుండె మండి పోయింది.ఇది ముందే ప్రణాళిక ప్రకారం చేసినట్లుంది.ఈ రాష్ట్రంలో అసలు ప్రభుత్వం ఉందా?ఉంటే ఏం చేస్తుంది..ఇటువంటి పని చేసిన ముష్కరులను కఠినంగా శిక్షించి ఆ మహాత్ముల విగ్రహాలను తిరిగి పునరుద్దరించాలి.

ఏ ప్రజల కోసం .........

2011-03-01T12:59:00.002+05:30

ప్రజల చేత ,ప్రజల కోసం ఎన్నుకోబడిన ప్రజాస్వామ్య ప్రభుత్వాలు అని మనం ఘనంగా చెప్పుకుంటున్న మన ప్రభుత్వాలు నిజంగా సామాన్య ప్రజల కోసం పని చేస్తున్నాయా ?సామాన్య ప్రజలు వాళ్ళ బ్రతుకులు వాళ్ళు గౌరవంగా కూలో,కుల వృత్తులో ,వ్యవసాయమో చేసుకొని బ్రతుకుతున్నారు.దాన్ని కూడా ప్రభుత్వాలు చేసుకోనీయడం లేదు.ఈ వాళ శ్రీకాకుళంలో థర్మల్ ప్లాంట్ కు వ్యతిరేకంగా జరిగిన సంఘటన లో కొందరు సామాన్యులు మృతి చెందినారు.వాళ్ళు ఈ ప్రభుత్వాన్ని ఏమీ కోరడం లేదు.కేవలం తమ బతుకులను తమను గౌరవంగా బతక నీయమని కోరుతున్నారు.సామాన్యుల కనీస అవసరాలైన కూడు ,గుడ్డ, నీడ,విద్య,వైద్యం లు కల్పించడం లో ప్రభుత్వాలు విఫల మైనాయి.ఈ ప్రభుత్వాలు ఎవరి ప్రయోజనాల కోసం పని చేస్తున్నాయో ఒక సారి పరిశీలించు కోవాలి.మెజారిటీ ప్రజల ప్రయోజనాలు విస్మరించి ,కొద్దిమంది పెట్టుబడి దారుల ప్రయోజనాల కోసం ప్రభుత్వాలు పని చేస్తే ప్రజాస్వామ్యానికి పరమార్థమే ఉండదు.

కథ,స్క్రీన్ ప్లే ,దర్శకత్వం అప్పలరాజు...

2011-02-26T09:00:00.006+05:30

చాలా రోజుల తర్వాత వర్మ గారి సినిమా కు వెళ్లాను. కథ,స్క్రీన్ ప్లే ,దర్శకత్వం అప్పలరాజు సినిమాను ఈ మధ్యనే మార్నింగ్ షో కి వెళ్లి చూశాను.థియేటర్ మొత్తానికి పది మంది ఉన్నారు.ఒక డైరెక్టర్ తను తీయాలనుకునే విధంగా సినిమాను తీయలేని నిస్సహాయ స్థితిని వర్మ గారు చాలా బాగా చూపించారు.సమకాలీన సినీ పరిశ్రమ మీద ఈ సినిమా ఒక మంచి సెటైర్.

తెలంగాణా వాదుల దాడులనుండి రక్షణ కు ఒక మార్గం.

2011-02-25T10:11:00.004+05:30

హైదరాబాదు లో ఉన్న మార్వాడీలు,హిందీ వాళ్ళు ఇతర భాషలు మాట్లాడే వాళ్ళు బాగానే ఉన్నారు .కానీ సీమామ్ధ్ర ప్రజలు మాత్రం దాడులకు గురవుతామని బాధ పడుతున్నారు.వీళ్ళు కూడా ఇటువంటి భయాల నుండి దూరం కావడానికి తెలుగు భాష మాట్లాడడం మానుకొని 'ఎంద చాట ' లాంటి అలీ గారు చెప్పిన కొత్త భాషను సృష్టించు కొని మాట్లాడడం ప్రారంభించాలి.అప్పుడు వాళ్ళు ఏ ప్రాంతం వారో తెలుసు కోవడం తెలంగాణా వాళ్లకు కష్టం అవుతుంది.ఒక కొత్త భాషను సృష్టించిన క్రెడిట్ దక్కుతుంది మరియు దాడుల నుండి కూడా రక్షణ పొంద వచ్చు.ఈ విధంగా తెలంగాణా వాదులు ఒక కొత్త భాష పుట్టుక కు కారణ మవుతారు.వారికి ధన్య వాదాలు.

జే.పి.గారి పై దాడి ప్రజాస్వామ్యం పై దాడి.

2011-02-17T12:36:00.002+05:30

జే.పి. గారి మీద దాడిని ప్రజాస్వామ్యం మీద దాడి గా పరిగణించాలి.దాడికి పాల్పడ్డ వారిని కఠినంగా శిక్షించి వారిని రాజకీయాలలో పాల్గొనకుండా నిషేధించాలి.ఇప్పుడు రాష్ట్రం లో పరిపాలన స్తంభించి అన్ని వ్యవస్థలు నిర్విర్యమై పోయినాయి.రాజశేఖర రెడ్డి గారు ఉండి ఉంటే టి.ఆర్.ఎస్. వాళ్ళు జే.పి. పై దాడికి ధైర్యం చేసే వారా? ఇప్పుడు రాష్ట్రంలో చేతగాని వాళ్ళ పాలన నడుస్తా ఉంది.ముఖ్యంగా టి.ఆర్.ఎస్. వాళ్లకు ఇప్పుడే తెలంగాణా రావడం ఇష్టం లేదు.వాళ్ళు బలపడి మిగతా పార్టీలు బలహీనము ఐన తర్వాత మాత్రమే తెలంగాణా రావాలని కోరుకుంటున్నారు.దాని కే ఇటువంటి అప్రజాస్వామిక పనులకు పాల్పడుతున్నారు.తెలంగాణా వస్తే ఇటువంటి ఫ్యూడలిస్టుల చేతుల్లోకి పరిపాలన వెళితే పరిస్థితి ఎలా ఉంటుందో ఊహించు కోవచ్చు.జే.పి. గారు ఇటువంటి వాటికి భయపడకుండా ధైర్యంగా రాజకీయాలలో ముందుకు వెళ్లి సమాజంలో ఇటువంటి అనైతిక చర్యలకు వ్యతిరేకంగా పోరాడాలి.జే.పి. గారి పై దాడిని ప్రజాస్వామిక వాదులందరూ ఖండించాలి.

టి.డి.పి. పార్టీ మరొక సారి విశ్వసనీయత కోల్పోయింది.

2011-02-12T12:16:00.003+05:30

జగన్ ను ఎదుర్కోవడానికి కాంగ్రెస్స్ కు తెలుగు దేశానికి మ్యాచ్ ఫిక్సింగ్ ఉందని ఇన్ని రోజులు కొంత మంది అంటూ ఉండే వాళ్ళు,ఇప్పుడు అది నిజమని ప్రజలు నమ్మే పరిస్థితి ఉంది.ఎందు కంటే ఈ వాళ టి.ఆర్.ఎస్. వాళ్ళు ప్రభుత్వం మీద అవిశ్వాస తీర్మానం పెడతాము మద్దత్తు ఇవ్వమంటే టి.డి.పి వాళ్ళు వెనకడుగు వేస్తాఉన్నారు.ఈ వాళ టి.డి.పి వాళ్ళు ఒక వైపు ఈ ప్రభుత్వం ప్రజలకు ఏమీ చేయడం లేదని ఊర్లు పట్టు కొని తిరుగు తున్నారు,మరొక వైపు అవిశ్వాస తీర్మానానికి మద్దత్తు ఇవ్వమని చెబుతున్నారు.ఒక వేళ అవిశ్వాసానికి మద్దత్తు ఇవ్వకుంటే ఈ ప్రభుత్వం బాగా పనిచేస్తుందని చెప్పనైనా చెప్పాలి ,లేక పొతే ఊర్లలో వీళ్ళు చెప్పే నాటకాలను ప్రజలు ఎవరూ విశ్వసించరు.ఇటువంటి పనులు చేసి టి.డి.పి. మరియు వాళ్ళ అధినాయకుడు ప్రజలలో విశ్వసనీయత మరొక సారి పోగొట్టు కున్నారు .

హోల్ సేల్ గా అమ్మేశారు

2011-02-06T20:26:00.001+05:30

ఎలెక్షన్ల ముందు టిక్కెట్లను రీటైల్ గా అమ్ముకొని ,ఇప్పుడు పార్టీనే హోల్ సేల్ గా అమ్మేశారు.

బాక్స్ బద్దలైంది..

2011-02-01T17:34:00.003+05:30

చిరంజీవి తో పొత్తు విషయం తెలియగానే కాంగ్రెస్స్ నేత వెంకట స్వామి ఫైర్ అయ్యారు.నేరుగా అధినేత మీద నే విమర్శనాస్త్రాలు సంధించారు.ఆమెనే అధ్యక్ష పదవినుండి దిగిపోయి భారతీయునికి ఇవ్వాలని డిమాండ్ చేస్తున్నారు.కాంగ్రెస్స్ పార్టీ లో లుకలుకలు మొదలయ్యాయి.చివరికి అది మునిగి పోతుంది.జగన్ పార్టీ నే సరికొత్త పార్టీ గా అవతరిస్తుంది.

అమ్మయ్య ..భారాన్ని దింపేసు కుంటున్నాను..

2011-02-01T11:04:00.003+05:30

ఏదో ప్రజలను ఉద్దరిస్తానని సినిమా డైలాగులు చెప్పి అధికారంలోకి రావాలని ప్రయత్నం చేసిన చిరంజీవిని ఆంధ్ర ప్రదేశ్ తెలివైన ప్రజలు ఆయన్ను పద్దెనిమిది సీట్లకు మాత్రం పరిమితం చేసారు.ఆయనతో పాటు ఉన్న మేధావులంతా ఈయన వ్యవహారం నచ్చక ఎప్పుడో వెళ్లి పోయారు.ఆయన వ్యక్తిత్వాన్ని మన రాష్ట్ర ప్రజలు చాలా బాగా అంచనా వేసారు.అందుకే అధికారానికి దూరంగా పెట్టినారు.ఆయన కు పార్టీ భారంగా పరిణమించింది.ఎప్పుడె పుడు కాంగ్రెస్ లో విలీనం చేయాలని మునిగాళ్ళ మీద నిలబడి ఉన్నాడు.వాళ్ళు అడిగినా అడగక పోయినా మద్దత్తు ఇస్తానని చెబుతున్నాడు.ఈయన మన రాష్ట్రం లో ఇంకొక విశ్వసనీయత లేని నాయకుడిగా మిగిలి పోయారు.చివరకి భారాన్ని దింపుకుంటున్నారు .తమ స్వార్థ ప్రయోజనాల కోసం దినం ఒక మాట మాట్లాడే ఇటువంటి అవకాశవాదులని ప్రజలు జాగ్రత్తగా గమనించి అవకాశం వచ్చినపుడు తగిన బుద్ది చెబుతారు.

జగన్ రాజశేఖరరెడ్డి గారి లాగే చరిత్ర సృష్టిస్తాడు.

2011-01-29T09:26:00.003+05:30

చరిత్ర మళ్ళీ పునరావృతం అవుతూ ఉంది.ఇరవై సంవత్సరాల క్రితం రాజశేఖరరెడ్డి గారి కి ఉన్న జనాదరణ ను చూసి కొన్ని మీడియా సంస్థలు ,కొన్ని పార్టీల పెద్దలు ఆయన్ను ఫ్యాక్షనిస్టు అని రాష్ట్రం లో ఏం జరిగినా ఆయనకే ఆపాదిస్తూ ఆయన్ను ప్రజల మనస్సులలో నుండి దూరం చేయాలని నానా ప్రయత్నాలు చేసినా , ఎవరెన్ని కుట్రలు పన్నినా ఒక ధీరుని వలె ఒంటి చేత్తో పార్టీ ని అధికారంలోకి తీసుకొని వచ్చి ప్రజారంజకంగా పరిపాలన సాగించి ప్రజల మనస్సులలో ఒక దేవుని వలె నిలిచి పోయినాడు.ఆయన ఎవరికీ వెన్నుపోటు పొడవలేదు,ఏ మీడియా సంస్థలకు వంగి వంగి సలాములు చేసి తమకు అనుకూలంగా ప్రచారం చేసికొని పరిపాలన సాగించ లేదు.ప్రత్యర్థులు సైతం పొగిడే విధంగా పరిపాలన సాగించారు.ఆయనకు వ్యతిరేకంగా పనిచేసిన మీడియా సంస్థల ,మరియు ప్రతిపక్ష నేతల మరియు అధికార పక్షం లోని ఆయన వ్యతిరేకుల విశ్వసనీయతను ప్రశ్నార్థకం లో పడేసారు.
ఈ వాళ జగన్ కు ఉన్న ప్రజాదరణను చూసి ఆయన్ను అడ్డుకోవడానికి అన్ని పార్టీ లు చాలా మీడియా సంస్థలు ఏకం అయ్యాయి.కొన్ని మీడియా ల లో ప్రశ్నార్థక చిహ్నం(?) పెట్టి వాళ్ళ ఇష్టం వచ్చినట్లు దుష్ప్రచారం చేసిందే చేస్తున్నారు.ఇలా చేసి వాళ్ళ విశ్వసనీయత ను పోగొట్టుకుంటున్నారు.ఇప్పటికే కొన్ని పార్టీలు ఇలా విష ప్రచారం చేసి ప్రజలలో విశ్వసనీయత పోగొట్టుకొని నవ్వుల పాలయ్యాయి.ఇలా ఎన్ని చేసినా ప్రజల మనస్సులలో నుండి రాజశేఖర రెడ్డి గారిని మరియు జగన్ ను తీసి వేయలేరు.ఎప్పటికైనా వాళ్ళ నాన్న గారి లాగే జగన్ కూడా ఇవన్నీ చేదించుకొని బయట పడి అధికారం లోకి వచ్చి చరిత్ర సృష్టిస్తాడు.

శుభాకాంక్షలు

2011-01-01T10:05:00.001+05:30

బ్లాగు మిత్రులందరికీ నూతన ఆంగ్ల సంవత్సర శుభాకాంక్షలు.

ఇప్పుడున్నది వ్యవస్థలను గౌరవించే నాగరిక సమాజమేనా?

2010-12-16T10:24:00.004+05:30

ఊర్లలో పొలాల కోసం కావలి వాండ్లు ఉండే వారు.ఇప్పటికీ కూడా ఈ పద్దతి చాలా ఊర్లలో ఉంది.ఊరి పంచాయితీ మరియు పెద్దమనుషులు కలిసి వాళ్ళను పెట్టే వారు.చాలా సందర్భాలలో ఈ కావలి వాండ్లు దళిత కులాలకు చెందిన వారే ఉండే వారు.వాళ్ళు ఊరి మొదట్లో ఒక కర్ర చేత బట్టుకొని ఉండే వారు.ఊర్లోని వాళ్ళు ఎవరైనా సరే పంటల సమయం లో పొలాల్లో నుండి కోసుకు రాకుండా ఉండడానికి వీళ్ళను పెట్టే వారు (పంటలు కోసే సమయం లో తప్ప ).దీనివలన ఇతరుల పంటలను దొంగతనం చేయడానికి వీలు లేకుండా ఉండేది.ఒక వేళ ఆ సమయంలో ఎవరైనా పంటను తీసుక వస్తే వాళ్లకు జుర్మానా విధించి ఆ డబ్బును పంచాయితీకి జమ చేసేవాళ్ళు.వీళ్ళను చూస్తే ఎవరికైనా భయం ఉండేది.నూరు ఎకరాల ఆసామి అయినా వాళ్లకు భయపడే వాడు.పెద్దగా చదువుకోని పల్లెటూరి సమాజాలల్లో కూడా వ్యక్తులతో సంబంధం లేకుండా వ్యవస్థల పట్ల అంత గౌరవం ఉండేది.కానీ నేడు బాగా చదువుకున్న నాగరిక సమాజం(?) లో కూడా వ్యవస్థలకు విలువ లేకుండా పోయింది.పోలీసులు చివరికి ముఖ్యమంత్రి ,ప్రధాన మంత్రి వంటి ప్రధాన మైన వ్యవస్థలకు కూడా విలువ ఇవ్వడం లేదు.

జగన్ ఎవరి వాడు?

2010-11-21T14:23:00.003+05:30

జగన్ మీడియాలో కాంగ్రెస్స్ పార్టీ గురించి మరియు సోనియా గారి గురించి వచ్చిన వార్తా కథనాన్ని చూసి కాంగ్రెస్స్ పార్టీ వీరాభిమానులు(?) రెచ్చిపోయి ఖండనలు మరియు మీడియా ఆఫీసుల మీద దాడికి పాల్పడుతున్నారు.ఇంతకు ముందు ఒక పత్రికా యాజమాన్యం మీడియాను అడ్డుపెట్టుకొని చట్ట వ్యతిరేకమైన ఆర్ధిక కార్యకలాపాలు చేస్తూ ఉంటే రాజశేఖర రెడ్డి గారు చట్టప్రకారం చర్యలు తీసుకుంటే మీడియా మీద దాడి అని ప్రతి ఒక్కరూ గగ్గోలు పెట్టారు,కానీ నేడు ఆ ప్రజాస్వామిక వాదులు సాక్షి మీద దాడి జరుగుతూ ఉంటే నోరు మెదపడం లేదు.ఎక్కడ దాక్కున్నారు.రాజశేఖరరెడ్డి గారు చనిపోయిన తర్వాత ఆయన మీద అవాకులు చెవాకులు పేలిన కాంగ్రెస్స్ నాయకులకు తెలీదా, ఆయన కూడా కాంగ్రెస్స్ పార్టీ కి చెందిన నాయకుడని.జగన్ ఓదార్పు యాత్ర చేస్తుంటే దానికి లెక్కలేనన్ని అడ్డంకులు కల్పించారు.అప్పుడు తెలీదా జగన్ ఏ పార్టీకి చెందిన వ్యక్తో? ఓదార్పు యాత్రను సమర్థిస్తున్నారన్న ఏకైక కారణంతో ఎందరో నిజమైన కాంగ్రెస్స్ కార్య కర్తలను పార్టీ నుండి వెలివేశారు.రాజశేఖరరెడ్డి గారు చనిపోయిన తర్వాత ఆయన అభిమానులని కాంగ్రెస్స్ దగ్గరకు తీసుకో లేదు సరి కదా వాళ్ళని నానా ఇబ్బందులకు గురిచేసింది.ఈ వాళ సాక్షి మీడియాలో ఏదో వార్త వచ్చిందని, కాంగ్రెస్స్ పార్టీ వాళ్ళు నానా యాగీ చేస్తున్నారు.రాజశేఖర రెడ్డి గారు చనిపోయిన తర్వాత జగన్ ను మరియి రాజశేఖర రెడ్డి గారి అభిమానులని తమ పార్టీ వాళ్ళే అని,కాంగ్రెస్స్ పార్టీ వాళ్ళు ఎప్పుడైనా గుర్తించారా ?

ఎ.పి.పి.ఎస్.సి పరీక్షలు రాయలేని విద్యార్థుల బాధలకు భాధ్యులు ఎవరు?

2010-09-10T11:16:00.003+05:30

తెలంగాణా విమోచన దినం గురించి మాట్లాడ కుండా తప్పించుకోవడానికి టి.ఆర్.ఎస్ పార్టీ వాళ్ళు నానా రభస చేసి ఎ.పి.పి.ఎస్.సి. నిర్వహించే పరీక్షలను తెర పైకి తెచ్చి అడ్డుకుని చాలా మంది కష్టపడి చదివిన విద్యార్థుల భవిష్యత్ తో ఆడుకున్నారు.ఈ వాళ నష్టపోయిన విద్యార్థుల గురించి ఎవరూ మాట్లాడడం లేదు.టి.ఆర్.ఎస్ పార్టీ వాళ్ళు ఎ.పి.పి.ఎస్.సి. పరీక్షలను తెర మీదికి తెచ్చి తెలంగాణా విమోచన దినం గురించి మాట్లాడకుండా తప్పుకుని తమ రాజకీయ పబ్బం గడుపుకున్నారు.కాని అమాయక విద్యార్థుల భవిష్యత్ తో ఆడుకున్నారు.ఇప్పటికైనా తెలంగాణా విద్యార్థులు భావోద్వేగాలతో ఆడుకునే రాజకీయ నాయకులతో జాగ్రత్తగా మసలుకోవాలి.

తెలంగాణా ప్రజలు తిరిగి కే.సి.ఆర్ ఉచ్చులో పడ్డారు.

2010-09-04T20:43:00.003+05:30

సెప్టెంబర్ 17 వ తేదిని తెలంగాణా విమోచన దినం జరపాలని అన్ని పార్టీ ల నుండి డిమాండ్ వచ్చిన నేపథ్యంలో ,టి.ఆర్.ఎస్ పార్టీ కూడా చిన్నగా ఆ డిమాండ్ చేసింది.కానీ టి.ఆర్.ఎస్ పార్టీ వాళ్లకు ముఖ్యంగా కే.సి.ఆర్ కు విమోచన దినం డిమాండ్ చేసి ముస్లిం ల ను దూరం చేసుకోవడం ఇష్టం లేదు ,అలాగని తెలంగాణా పరుగులో వెనక పడ్డం ఇష్టం లేదు .అందుకే వ్యూహాత్మకంగా ఎ.పి.పి.ఎస్.సి నిర్వహించే గ్రూప్ -1 పరీక్షలను ముందుకు తెచ్చి తెలంగాణా వాళ్ళను ముఖ్యంగా విద్యార్థులను రెచ్చగొట్టి తను అనుకున్నది సాధించారు.ఇప్పుడు అందరూ ఎ.పి.పి.ఎస్.సి నిర్వహించే పరీక్షల వెంట పడ్డారు.విమోచన దినం గురించి అందరూ మర్చి పోయారు.రాజకీయ నాయకుల స్వార్థ వ్యూహాలు వాళ్లకు ఉంటాయి.విద్యార్థులు స్వార్థ రాజకీయనాయకుల ఉచ్చులో పడి వాళ్ళ బంగారు భవిష్యత్తును నాశనం చేసుకోవద్దు.

పేదల పక్షపాతి కి అశ్రునివాళులు

2010-09-02T09:59:00.003+05:30

పేదల పక్షపాతి ,విశ్వసనీయతకు మారు పేరైన రాజశేఖర రెడ్డి గారి ప్రథమ వర్థంతి సందర్భంగా ఆయన ఆత్మకు శాంతి కలగాలని భగవంతున్ని కోరుకుంటూ .....

ధరల పెరుగుదల ఎందుకు ఎన్నికల నినాదం కావడం లేదు?

2010-08-12T12:34:00.002+05:30

ఒకప్పుడు ఉల్లిగడ్డల ధరలు పెరిగితే ప్రజలు ప్రభుత్వాలను కూల్హారు.కానీ నేడు ప్రతి నిత్యావసర వస్తువుల ధరలు మరియు కూరగాయల ధరలు విపరీతంగా పెరిగాయి.అయినా కూడా అది ఎన్నికల నినాదం కావడం లేదు ,ఎందుకని?రెండురూపాయలకు కిలో బియ్యం ప్రభావమా?ఉపాధి హామీ పథకం ప్రభావమా?లేక ప్రజల కొనుగోలు శక్తి పెరిగిందా?లేక పాలకులు ఎవరు వచ్చినా వాళ్ళ బ్రతుకులు ఏమీ మారవని నిర్వేదమా?

రైతులను ఆదుకోక పొతే ఆహార భద్రత ఎండమావే?

2010-08-12T12:05:00.005+05:30

ఉపాధి హామీ పథకం ద్వారా రైతు లకు కూలీలు దొరక్క నానా ఇబ్బందులు పడుతున్నారు.ఉండే కొద్ది మంది కూలీలకు వారు చెప్పినంత కూలీ ఇవ్వవలసిన పరిస్థితి రైతు లకు దాపురించింది.నకిలీ విత్తనాలు,పురుగు మందులు ,ప్రక్రుతివైపరీత్యాలకు తోడు ఈ కూలీ ల ధరలు కూడా పెరిగి రైతుల పరిస్థితి మూలిగే నక్క మీద తాటికాయ పడ్డ చందంగా తయారైంది.ఇన్ని కష్టాలు పడి రైతులు పండించిన పంటకు మద్దత్తు ధర లేక రైతులు అప్పుల పాలవుతున్నారు.పాలకులు రైతులకు వ్యవసాయం లాభదాయకం చేయక పొతే ప్రభుత్వాలు కలలు కంటున్న ఆహార భద్రత ఎండమావే అవుతుంది.

రాయలసీమ మాండలికం లో వాడే కొన్ని పదాలు

2010-07-06T09:22:00.004+05:30

రాయలసీమ(జమ్మలమడుగు,ప్రొద్దుటూరు ప్రాంతాలలో పల్లెల్లో ) లో వాడే కొన్ని పదాలు ఈ మధ్య కనుమరుగవుతున్నాయి.ఒకసారి గుర్తు చేసుకుంటూ..

అమ్మలపొద్దు = ఉదయం తొమ్మిది గంటల సమయం.
పైటాల = మధ్యాన్నం.
మాయిటాల = పొద్దు గూకే వేళ.
వాకిలి =తలుపు.
సిలుకు = తలుపుకు పెట్టే గొళ్ళెం లాంటిది.
గడెమాను = తలుపుకు అడ్డంగా లోపలనుండి పెట్టే గడియ.
బూయిండ్లు = వంట గది.
నడవ = హాల్ .
ఆయిపిండ్లు = పంటలను దాచు కునే రూము.
దండెం = బట్టలను వేసేందుకు ఉపయోగించే త్రాడు లేక కర్ర.
ఉట్టి = పదార్థాలను ఎత్తిపెట్టెందుకు వేలాడదీసిన త్రాడు(గిన్నెలను పెట్టడానికి అనుకూలంగా ఉన్న).
సుట్టకూతురు = కుండలు పడిపోకుండా ఉండేదుకు కుండ క్రింద పెట్టే వృత్తాకారంలో ఉండే త్రాడు.
అటిక = మట్టికుండ.
బాణ = నీళ్ళు నింపుకునేందుకు ఉపయోగించే మట్టి కుండ .
కడవ = నీళ్ళు పట్టుకు రావడానికి ఉపయోగించే మట్టి పాత్ర.
తప్యాల = వంట వండుకునే లోహ పాత్ర.
బోకులు = లోహ పాత్రలు.
చెంబు = నీళ్ళు త్రాగడానికి ఉపయోగించే లోహ పాత్ర .
ఆబువ్వ = వరి అన్నం.
సిబ్బి = అన్నం గంజి వార్చ డానికి ఉపయోగించే వెదురుప్లేట్ .
తాపలు = మెట్లు (స్టెప్స్ ).
మెట్లు = చెప్పులు.
మచ్చు = పశువుల కోసం గడ్డిని ఉంచే ప్రదేశం.
మేపు = పశువుల కోసం ఉపయోగించే ఎండు గడ్డి.
జొల్ల = పశువుల గడ్డిని తేవడానికి ఉపయోగించే వెదురుతో చేసిన ఒక పెద్ద బుట్ట.
గాజ = ధాన్యాన్నినిలువ చేసేందుకు ఉపయోగించే వెదురు బుట్ట.
ఎనుము =బర్రె.
రొచ్చు = పశువుల మూత్రం.
తలుగు =పశువులను కట్టేందుకు ఉపయోగించే త్రాడు.
మోకు = వ్యవసాయ పనులకు ఉపయోగించే త్రాడు .
మాసీలు =పంటలు.
అబ్బ =నాన్న నాన్న.
జేజి = నాన్న అమ్మ.
తాత =అమ్మ నాన్న.
అవ్వ =అమ్మమ్మ.

ఈ పదాలు కొన్ని ఈ మధ్యన కనుమరుగు అవుతున్నాయి,వాటిని కాపాడుకోవలసిన భాద్యత ఉంది.

మరి కొన్ని పదాలు తర్వాత చూద్దాం..

ప్రత్యేక వాదుల ప్రజాస్వామ్యం?

2010-05-29T16:21:00.008+05:30

మనం ఎవరింటికైనా వెళ్తా వుంటే ,మనం వాళ్ళింటికి వెళ్ళడం వాళ్లకు ఇష్టం లేక పొతే వాళ్ళు చెప్పాలి వాళ్ళింటికి రావద్దని,కానీ పక్కింటివాడు చెప్పద్దు వాళ్ళింటికి పోవద్దని.ఇదేం న్యాయమో అర్థం కావడం లేదు , మరణించిన కుటుంబాలను పరామర్శించ డానికి జగన్ పోతా ఉంటే టి.ఆర్.ఎస్ వాళ్ళు అడ్డుకోవడం ,హింస సృష్టించడం ఏ ప్రజాస్వామ్య సూత్రాల ప్రకారం చేసారో అర్థం కావడం లేదు.టి.ఆర్.ఎస్ వాళ్ళ రెచ్చగొట్టే మాటల వలన చనిపోయిన తెలంగాణా వాదులను ఒక రోజు కూడా పరామర్శించి ,ఆర్ధిక సాయం చేయని వీళ్ళు జగన్ మాత్రం కుటుంబాలను ఒక చోట చేర్చి ఆర్ధిక సాయం చేయాలని ,పరామర్శకు వెళ్ళవద్దని ఉచిత సలహాలు ఇస్తున్నారు. టి.ఆర్.ఎస్ వాళ్ళు చెప్పిన టైము లో పరామర్శకు వెళ్ళాలంట,వాళ్ళు చెప్పిన విధంగా ఆర్ధిక సాయం చేయాలంట ,మన ఆంధ్రప్రదేశ్ రాష్ట్రం ఎటు పయనిస్తుంది,ఆటవిక సమాజంలోకి తీసుకు వెళ్లాలని ప్రయత్నం చేస్తున్నారా? టి.ఆర్.ఎస్ వాళ్ళు వాళ్ళ ఇష్టం వచ్చినట్లు పేలుతుంటే రాష్ట్రప్రభుత్వం ఏం చేస్తున్నట్లు,మేధావి వర్గాలు ఏం చేస్తున్నట్లు. ప్రత్యేక తెలంగాణా కావాలని కోరిన వాళ్ళు ఈ వాళ సమైక్య ఆంధ్రప్రదేశ్ లో మంత్రులుగా చలామణి అవుతున్నారు,ఇది ఏ విధంగా నైతికతో అర్థం కావడం లేదు.ప్రత్యేక వాదం మాట్లాడే వాళ్లకు సమైక్య ఆంధ్రప్రదేశ్ కు మంత్రులుగా పనిచేసే అర్హత లేదు.వాళ్ళు మంత్రిపదవులకు రాజీనామా చేసిన తరవాత మాత్రమే ప్రత్యేక వాదం గురించి మాట్లాడాలి.

కే.సి.ఆర్ క్షమాపణ చెప్పిన తర్వాతనే విజయవాడ పర్యటన చేయాలి.

2010-05-18T15:09:00.005+05:30

సీమాంధ్ర ప్రజలు తెలంగాణా ప్రజలను దోచుకున్నారని ,సీమాంధ్ర ప్రజలు దోపిడిదారులని ఇన్ని రోజులు విష ప్రచారం చేసి , సీమాంధ్ర ప్రజల మనసులను గాయ పరిచిన కే.సి.ఆర్ విజయవాడ పర్యటనకు వెళ్లేముందు సీమాంధ్ర ప్రజలకు క్షమాపణ చెప్పిన తర్వాతనే పర్యటనచేయాలి.సమైక్యాంధ్ర ఉద్యమ కారులు ,నాయకులు కే.సి.ఆర్ క్షమాపణకు పట్టుపట్టాలి.

కే.సి.ఆర్ గారు ఓదార్పు యాత్ర చేయరా?

2010-04-17T13:17:00.003+05:30

రాజశేఖర రెడ్డి గారి మరణం తర్వాత భాధతో మరణించిన వ్యక్తుల కుటుంబాలను ప్రాంతాలకతీతంగా పరామర్శిస్తూ ,వీలైనంత ఆర్ధిక సాయం ప్రకటిస్తున్న జగన్ గారిని కే.సి.ఆర్ మరియు ఆయన పార్టీ వాళ్ళు అభినందించాల్సి పోయి విమర్శించడం చూస్తుంటే చాలా విడ్డూరంగా ఉంది.కే.సి.ఆర్ మరియు టి.ఆర్.ఎస్ పార్టీ వాళ్ళ రెచ్చగొట్టే మాటల వలన తెలంగాణా లోని అమాయక ప్రజలు కొంత మంది ప్రాణ త్యాగం చేసినారు.తెలంగాణా కోసం అమరులైనారని పదేపదే చెప్పుకొని శవ రాజకీయాలు చేస్తున్న టి.ఆర్.ఎస్ వాళ్ళు ఆ కుటుంబాలను ఒకసారైనా పరామర్శించి,వాళ్లకు ఏమైనా ఆర్ధిక సాయం చేశారా?ఈ విషయం చూస్తే తెలుస్తుంది,టి.ఆర్.ఎస్ వాళ్లకు తెలంగాణా ప్రజల మీద ఉన్నప్రేమ.తెలంగాణా ప్రజల మేలు కోసమే తెలంగాణా రాష్ట్రాన్ని సాధిస్తామని చెప్పుకుంటున్న టి.ఆర్.ఎస్ .పార్టీ కి పదవుల మీద ఉన్న ఆసక్తి తెలంగాణా ప్రజల మీద లేనట్లుంది. ఇటువంటి వాళ్ళ వలన వచ్చిన తెలంగాణా(ఒక వేళ వస్తే) ఏ విధంగా సామాన్య ప్రజలకు ఉపయోగపడుతుందో తెలంగాణా ప్రజలు ఒక సారి ఆలోచన చేయాలి.

ఏ తెలంగాణా రాష్ట్రం కావాలి?

2010-04-03T20:44:00.005+05:30

ప్రత్యేక తెలంగాణా కావాలనుకునే వారిని ఒకటి అడగాలనుకుంటున్నాను,వాళ్లకు కావలసిన తెలంగాణా ఇప్పుడు మూడు రాష్ట్రాల దగ్గర ఉన్నది.మహారాష్ట్ర దగ్గర,కర్నాటక దగ్గర ,ఆంధ్రప్రదేశ్ దగ్గర ఉన్నది.వాళ్లకు ఏ తెలంగాణా కావాలనో? ఇప్పుడు ఆంధ్రప్రదేశ్ లోఉండేది,తెలుగు మాట్లాడే ప్రజలు ఉండే భాషా ప్రయుక్త రాష్ట్రం.భాషా ప్రయుక్త రాష్ట్రాలు ఏర్పడక ముందు ఉండే తెలంగాణా వాళ్లకు కావాలనుకుంటే మూడు రాష్ట్రాల ప్రజల అభిప్రాయాలు తెలుసుకోవాలి.

వై.ఎస్.కుటుంబం పై బురద జల్లుడు కార్యక్రమం తిరిగి మొదలైంది .

2010-03-29T21:34:00.005+05:30

వై.ఎస్ కుటుంబం మీద బురద జల్లుడు కార్యక్రమం తిరిగి మొదలైంది.తొంబైలలో హైదరాబాదు నగరంలో మత కలహాలు జరిగినపుడు అప్పటి ముఖ్యమంత్రి అయిన చెన్నారెడ్డి గారిని దించడానికి రాజశేఖరరెడ్డి గారే మతకలహాలు సృష్టించారని దుష్ప్రచారం గావించారు.దానిపైన ఒక కమిటీ ని కూడా వేసారు.చివరికి ఆ కమిటీ రాజశేఖరరెడ్డి హస్తం లేదని తేల్చింది. రాజశేఖరరెడ్డి గారి మీద ఉన్న ప్రజాభిమానాన్ని, రాజకీయ గ్లామర్ ను చూసి ఓర్వలేని కొన్ని పత్రికలు ,కాంగ్రెస్స్ పార్టీ లోని సోకాల్డ్ సీనియర్ నాయకులు ,ప్రతిపక్షాలు కలిసి ఆయనను ఫాక్షనిష్టు అని హత్యలు చేయిస్తారని విష ప్రచారం గావించాయి.ప్రజలకు ఆయన ముఖ్యమంత్రి అయిన తర్వాత ఆయన ఎంత ప్రజా రంజకంగా పాలన సాగించారో,ప్రజలను ఎంతగా ప్రేమిస్తారో ,సామాన్య ప్రజలు ఎంత సులభంగా ఆయనను కలుసుకోవచ్చో తెలిసింది.అదే ఆయన మీద విష ప్రచారం లేనట్లయితే ఆయన ఇరవై సంవత్సరాల ముందే ముఖ్యమంత్రి అయి ఉండేవారు.అప్పుడు రాష్ట్రం ఇంకా ఎంతో అభివృద్ధి చెంది ఉండేది.ఈ వాళ ఉన్న ప్రాంతీయ వాదాలు తలెత్తేవి కావు.ఆయన చనిపోయిన తర్వాతకూడా ఆయనను శత్రువులు కూడా తలుచుకుంటున్నారు,ఆయన ఉంటే ఈవాళ రాష్ట్రానికి ఈ పరిస్థితి దాపురించేది కాదని.

ఈ వాళ హైదరాబాదు లో మత కలహాలు జరిగితే దానికి కూడా పరోక్షంగా జగన్ మీద వేలెత్తి చూపిస్తున్నారు.జగన్ రాజ కీయ గ్లామర్ ను ఎదుర్కోలేని కొందరు కాంగ్రెస్ నాయకులు ,ప్రతిపక్షం వాళ్ళు ,జనాకర్షణ లేని నాయకులు రాజశేఖరరెడ్డి గారిని దెబ్బతీసినట్లుగా దెబ్బ తీయాలని ప్రయత్నాలు మొదలు పెట్టినారు.దీన్ని జగన్ సమర్థవంతంగా ఎదుర్కొని వాళ్ళ నాన్న లాగ రాజకీయాలలో రాటుదేలి ,తిరుగు లేని నాయకుడుగా ఎదుగుతాడో లేదో కాలమే నిర్ణయిస్తుంది.

బెహన్ జీ నోట్ల దండలు

2010-03-21T21:49:00.006+05:30

తమను ఉద్దరిస్తారని ఎంతో ఆశతో మాయావతి గారిని అధికారంలోకి తీసుక వచ్చిన ఉత్తరప్రదేశ్ ప్రజలు ముఖ్యంగా దళితుల భ్రమలు తొలగిపోయాయి.అక్కడ ప్రజలు ఎంతో పేదరికంతో మగ్గి పోతుంటే మాయావతి గారు ఇవేమీ పట్టకుండా పార్కులు,ఏనుగు శిల్పాలు,తన ప్రతిమలను రాష్ట్రం అంతటా పెడుతూ ,నోట్ల దండలను వేయించు కుంటూ ప్రజా ధనాన్ని చాలా దారుణంగా దుర్వినియోగం చేస్తూ ఉన్నారు.అగ్రవర్ణాల ముఖ్యమంత్రులకు ఏ మాత్రం తీసి పోకుండా ఇంకా కొంచం ఎక్కువగానే మాయావతి గారు ప్రజాస్వామ్యాన్ని చాలా అపహాస్యం చేస్తున్నారు. దీన్ని బట్టి చూస్తే ఒక సారి రాజకీయాల్లోకి వచ్చిన నాయకులు ఏ కులం వాళ్లైనా,ఏ మతం వాళ్లైనా వాళ్ళ లక్ష్యం ప్రజలను రాబందుల్లాగా పీక్కు తినటమే అని మరోసారి ఋజువైనది. తమ కులం వాళ్లకు రిజర్వేషన్ లు ఇచ్చి ,తమ కులం వాళ్ళను ముఖ్యమంత్రులను చేయాలని అలా చేస్తే తమకు వాళ్ళు ఏదో ఒరగ పెడతారని ప్రజలు భావించి పోరాటాలు చేయడం మాను కోవాలి.

నీరు ఉండి నీరు లేని భారతదేశం!

2010-03-13T14:38:00.004+05:30

ఈ మధ్యన ఒక నివేదిక లో ప్రపంచం లో ఎక్కువ భూగర్భ జలాలు వినియోగించే దేశాల్లో భారత దేశం కూడా ముందు భాగంలోఉంది,మరో ఇరవై ఏళ్లలో భూగర్భ జలాలు పూర్తిగా ఇంకిపోయే స్థితి భారత దేశానికి దాపురించ వచ్చు,అనే వార్త చదివి ఈ పోస్ట్ వ్రాస్తున్నాను.

మనదేశం ఎన్నో జీవనదులకు పుట్టినిల్లు. అటువంటి ఈ దేశం లో ఇప్పటికీ గుక్కెడు మంచినీళ్ళ కోసం ఎన్నో వ్యయ ప్రయాసల కోర్చి కిలోమీటర్ల కొద్దీ పోయి తెచ్చుకోవలసిన పరిస్థితి ఉంది.దీనికంతటికీ కారణం పాలకులకు ముందుచూపు లేక పోవడం,వాళ్ళ అక్రమసంపాదనే కారణం.ప్రజలు నీళ్ళ కోసం ఇంత గడ్డు పరిస్థితిని ఎదుర్కొంటున్నా పాలకులు మాత్రం శీతల పానీయాలు,మినరల్ వాటర్ తయారు చేసే బహుళ జాతి కంపెనీలు ఇచ్చే డబ్బులకు కక్కుర్తి పడి వాళ్లకు ఇష్టం వచ్చినట్లు అనుమతులు ఇచ్చారు.బహుళ జాతి కంపెనీలు ఒక లీటర్ శీతల పానీయం తయారుచేయడానికి తొమ్మిది లీటర్ల నీటిని వృధా చేస్తారని నేనెక్కడో చదివాను.ఈ విధంగాభూగర్భ జలాలను వృధా చేసుకుంటూ పొతే భూగర్భ జలాలు ఇంకి పోవడానికి ఇరవై సంవత్సరాలు అవసరం లేదు,అంతకంటే ముందే ఇంకి పోతాయి.

నేను ఒక సారి త్రివేణి సంగమం,వారణాసి కి వెళ్ళాను.అక్కడ పెద్ద సముద్రమంత నీళ్ళు ఉన్నాయి,కానీ ఒక గ్లాసు నీళ్ళు కూడా త్రాగలేని దౌర్భాగ్య పరిస్థితి,అంత అపరిశుభ్రంగా ఉన్నాయి.ఒక గ్లాసు ఆ నీళ్ళు త్రాగితే చాలు ఖచ్చితంగా కైలాసానికి పోవచ్చు.ప్రజలు ఒక వైపు" గంగా మాతా " అంటూ పూజలు చేస్తున్నారు,మరో వైపు అక్కడే మల మూత్ర విసర్జన చేస్తున్నారు.పూజల పేరుతో ప్రజలు ,పారిశ్రామికవ్యర్థాలను వదులుతూ ఫ్యాక్టరీలు ఈ విధంగా జీవనదులను కాలుష్యం చేసుకుంటూ పొతే చివరికి ప్రజలకు గుక్కెడు మంచినీరు లేకుండా పోతుంది.విశ్వహిందూ పరిషత్,శివసేన మరియు ఆర్.ఎస్.ఎస్ వాళ్ళు అనవసర విషయాలలో ప్రజలను రెచ్చగొట్టకుండా,నదులను అపరిశుభ్రం చేయ కుండా హిందూ సమాజాన్ని చైతన్య వంతులను చేస్తే సమాజానికి ఎంతో మేలు చేసినవారు అవుతారు. ముఖ్యంగా పాలకులు తమ స్వార్థ చింతన పక్కన పెట్టి దూరదృష్టి తో ఆలోచించి జీవనదులను కాలుష్యం బారినపడకుండా ,భూగర్భ జలాలను ఇష్టం వచ్చినట్లు వాడకుండా కట్టడి చేయ వలసిన అవసరం ఎంతో ఉంది,లేక పొతే భవిష్యత్ తరాలకు ఒక గ్లాసెడు మంచినీరు కూడా ఇవ్వలేని పరిస్థితి దాపురిస్తుంది.

ఎవరికోసం ౩౩ శాతం మహిళా రిజర్వేషన్లు?

2010-03-09T09:30:00.004+05:30

రిజర్వేషన్ అనే పదం లోనే బానిసత్వం మరియు ఆత్మ న్యూనత ఉంది. ఎందుకంటే ఎవరో ఇస్తే మనం తీసుకొని వాళ్ళ దయాదాక్షిణ్యాలమీద మనం ఎదగాలి అనే భావన వుంది.ఈ వాళ ౩౩ శాతం మహిళా రిజర్వేషన్ ఇచ్చినందు వలన నిజంగా తెలివైన మహిళలకు ,సమాజహితం కోరే మహిళలకు ఏమీ ఉపయోగం ఉండదు.ఇప్పటికే రాజకీయాల్లో పాతుకు పోయి ఆ రాజకీయాలనే సంపాదన మార్గంగా ఎంచుకున్న దొరలకే ఉపయోగం ఉంటుంది.మహిళలకు రిజర్వేషన్ ఇచ్చిన స్థానాల్లో ఇప్పటికే పాతుకు పోయిన ప్రజాప్రతినిధుల భార్యలనో,తల్లులనో ,సోదరీమనులనో నిలబెట్టి గెలిపించుకుంటారు.రాజకీయాలు తిరిగి వాళ్ళ చేతుల్లోకే పోతాయి.సామాన్య ప్రజలు నిలబడితే గెలిచే పరిస్థితి లేదు.ఉదాహరణకు మార్పుకోసం వచ్చిన లోక్సత్తా పార్టీ పరిస్థితి ఏమైందో మన అందరికీ తెలుసు.దళిత రిజర్వేషన్లు పొంది ప్రజాప్రతినిధులు అయిన దళిత సోదరులు ఈ వాళ వాళ్ళ దళితులకు ఏమి చేస్తున్నారు,దళిత దొరలూ అయి వాళ్ళ ఆస్తులు పెంచు కోవడం తప్ప. ముఖ్యంగా ప్రజల భావన లో మార్పు రావాలి. అంతవరకూ రిజర్వేషన్లు ఇచ్చినా ఇంకేమి ఇచ్చినా పరిస్థితిలో మార్పు ఉండదు.

కాంగ్రెస్స్ మార్క్ రాజకీయానికి చిత్తైన కే.సి.ఆర్

2010-03-06T13:38:00.004+05:30

మాటిమాటికి రాజీనామా అస్త్రాన్ని ప్రయోగిస్తూ ఇప్పటివరకూ తన రాజకీయ పబ్బం గడుపుకొస్తున్న కే.సి.ఆర్ కు అదే రాజీనామా అస్త్రం బూమ్రాంగ్ లా తిరిగి వచ్చి తన మెడకే చుట్టుకునేటట్లుగా ఉంది.తన నిర్ణయాల్ని తెలంగాణా జే.ఎ.సి. నిర్ణయాలుగా చెబుతూ ,ముందుగా రాజీనామాలు చేసి తెలంగాణా ప్రజల దృష్టి లో హీరో అయిపోదామని చూసారు.కానీ టి.ఆర్.ఎస్ వాళ్ళు,ఒక బి.జే.పి ఎం.ఎల్.ఎ తప్పకాంగ్రెస్స్ ,టి.డి.పి. వాళ్ళు ఒక్కరు కూడా రాజీనామాలు సమర్పించలేదు.ఈ వాళ తెలంగాణా లో అమరులైన విద్యార్థుల బంధువులను ఆ రాజీనామాలు చేసిన స్థానాల్లో ఏకగ్రీవంగా ఎన్నుకోవాలని డిమాండ్ ఊపందుకుంది.చనిపోయిన శ్రీకాంతాచారి తండ్రిని డిల్లీ లో కాంగ్రెస్స్అధిష్టానం పిలిపించి పరామర్శించింది.ఈ పరిస్థితులలో కే.సి.ఆర్ ,టి.ఆర్.ఎస్ వాళ్ళ పరిస్థితి కుడితిలో పడ్డ ఎలుకలా తయారైంది.కాంగ్రెస్స్ ఈ వాళ అన్ని స్థానాల్లో అమరులైన విద్యార్థుల బంధువులను నిలబెట్టినా ఆశ్చర్య పోనక్కరలేదు.ఎందుకంటే కాంగ్రెస్స్ వాళ్లకు పోయేది ఏమీ లేదు,వస్తే టి.ఆర్.ఎస్. స్థానాలు తన వశం అవుతాయి.ఒక వేళ టి.ఆర్.ఎస్ వాళ్ళు ఆ స్థానాల్లో పోటీ చేస్తే తెలంగాణా ప్రజల దృష్టి లో దోషి గా నిలబెట్ట వచ్చు.ఈ పరిస్థితులల్లో కే.సి.ఆర్ ఎటువంటి చాణుక్య నీతిని చూపుతారో వేచిచూడాలి.కాంగ్రెస్స్ రాజకీయమా మజాకా!

టి.ఆర్.ఎస్ రాజీనామా చేసిన స్థానాల్లో అమరులైన విద్యార్థుల బంధువులను నిలబెట్టి ఏకగ్రీవంగా గెలిపించు కోవాలి .

2010-03-04T10:11:00.007+05:30

రాజీనామా చేసిన టి.ఆర్.ఎస్ ప్రజా ప్రతినిధులకు ,కే .సి.ఆర్ కు తెలంగాణా మీద నిబద్దతను చాటుకునే మంచి ఆవకాశం ఇప్పుడుదొరికింది.వారు రాజీనామా చేసిన స్థానాల్లో అమరులైన విద్యార్థుల తల్లిదండ్రులను గానీ ,వారి సోదర ,సోదరీమణు మణులను నిలబెట్టి (లగడపాటి రాజగోపాల్ గారు చెప్పినట్లు) ఏకగ్రీవంగా తెలంగాణా జే.ఎ.సి వాళ్ళు ఎన్నుకోవాలి.అప్పుడు మాత్రమే టి.ఆర్.ఎస్ వాళ్ళు చేసినది డ్రామా కాదు ,వాళ్ళు పదవులకోసం ప్రాకులాడే వాళ్ళు ఏమాత్రం కాదు అని తెలంగాణా ప్రజలకు తెలిసి టి.ఆర్.ఎస్ మీద తెలంగాణా ప్రజలలోగౌరవం పెరుగు తుంది.ఈ విషయమై ఓ.యు విద్యార్థులు మరియు తెలంగాణా జే.ఎ.సి కృషి చేస్తే బావుంటుంది.అప్పుడు మాత్రమే అమరులైన తెలంగాణా విద్యార్థులకు నిజమైన నివాళి అర్పించినట్లవుతుంది.

ప్రజాప్రతినిధులను భాధ్యులుగా చేయాలి.

2010-03-02T12:28:00.005+05:30

ప్రజా ప్రతినిధులు మరియు మంత్రులు మా ప్రాంతం అభివృద్ధి కాలేదు మా ప్రాంతం అభివృద్ధి కాలేదు అని పోటీ పడి ప్రకటనలు ఇస్తూ, దానికి ప్రత్యక రాష్ట్రమే పరిష్కారం అని చెబుతున్నారు.ప్రభుత్వం ఇన్ని సంవత్సరాలుగా వాళ్ళ,వాళ్ళ నియోజక వర్గాలకు విడుదలైన నిధులవివరాలను ప్రకటించి ఎందుకు అభివృద్ధి చెందలేదో ఆ ప్రజా ప్రతినిధులను కనుక్కొని ఆ ప్రజా ప్రతినిధులను భాధ్యులుగా చేసి శిక్షించాలి.ప్రజాప్రతినిధులను భాధ్యులుగా చేయనంత వరకూ రాష్ట్రం ఎన్ని ముక్కలైన ప్రజలకు ఏమీ ఉపయోగం ఉండదు.

"అదుర్స్" సినిమాను అడ్డుకుంటా మనడం అప్రజాస్వామికం

2010-01-11T19:33:00.006+05:30

ఈ రోజు సాయంత్రం సాక్షి టి.వి. లో తెలంగాణా జాగృతి అధ్యక్షురాలు కవిత గారి (కే.సి.ఆర్ గారి కుమార్తె) మాటలు విన్న తర్వాత ఈ పోస్ట్ వ్రాయకుండా ఉండలేక పోయాను."అదుర్స్" సినిమాను ఆంధ్ర వాళ్ళు నిర్మించి నటించారు కాబట్టి ఆ సినిమాను తెలంగాణాలో అడ్డుకుంటామంటున్నారు.ఈ సినిమా నిర్మాత లగడపాటి నిరాహారదీక్ష శిబిరంలో కూర్చున్నారని ఒక సాకు చెబుతున్నారు.తెలంగాణా వాళ్ళు వాళ్ళ వాదాన్ని ఎంత బలంగా వినిపిస్తున్నారోఆంధ్రా వాళ్ళు కూడా వాళ్ళ వాదాన్నిఅంతే బలంగా వినిపించే హక్కు ఉంది.దీన్ని అడ్డుకోవడానికి వీళ్ళు ఎవరు.ఆంధ్రా వాళ్ళు వీళ్ళాలాగ వేర్పాటు వాదం వినిపించడం లేదు.అందరం సమైఖ్యంగా ఉందాం అంటున్నారు.ఈ ప్రజాస్వామ్య దేశం లో ఎవరికి నచ్చిన విధంగా వాళ్ళ భావాలను ఇతరులకు ఇబ్బంది లేకుండా ప్రకటించవచ్చు.తెలంగాణా సమస్య కే.సి.ఆర్.కుటుంబ సమస్య ఏ మాత్రం కాదు.అందరూ తెలంగాణా వాళ్లకు నచ్చినట్లు మాత్రమే మాట్లాడాలి,అనుకూలంగా మాట్లాడక పోతే అడ్డుకుంటా మంటే కుదరదు.ఈ విషయం చూస్తే తెలుస్తున్నది ,తెలంగాణా ఉద్యమం లో ఎంత మేర ప్రజాస్వామ్యం ఉందో.వీళ్ళంతా ఇలా ఇష్టం వచ్చినట్లు మాట్లాడుతుంటే అసలు ప్రభుత్వం ఏం చేస్తున్నట్లు.ఇటువంటి ఉద్యమ కారుల వలన వచ్చిన తెలంగాణా రాష్ట్రంలో ప్రజాస్వామ్యం ఏ మాత్రం మన జాలదు,నిరంకుశత్వం లోకి జారుకుంటుంది.సామాన్య ప్రజలు వీళ్ళఉక్కు కౌగిళ్ళలో నలిగి పోవలసి వస్తుంది.ఇటువంటి అప్రజాస్వామిక,నియంతృత్వ,బ్లాక్మెయిల్ రాజకీయాలను , ఉద్యమాలను,ఉద్యమ కారులను నిజమైన ప్రజాస్వామిక వాదులు తీవ్రంగా ఖండించాలి .

అంబానీల,రామోజీల ఆస్తులు ధ్వంసం అయినప్పుడు మాత్రమే చంద్రబాబు గారు స్పందిస్తారా?

2010-01-08T15:28:00.005+05:30

గత నెల రోజులుగా అటు సమైఖ్యాంధ్ర ఉద్యమం ,ఇటు తెలంగాణా ఉద్యమం లో ప్రభుత్వ,ప్రజల ఆస్తులు ఎన్నో ధ్వంసం అవుతున్నా ,ఈ ఉద్యమాలతో సామాన్య ప్రజలు ఎంతో ఇబ్బంది పడుతున్నా మీడియాకు,ప్రజలకు ముఖం చాటేసిన చంద్రబాబు గారు ,నిన్న రిలయన్స్ వారి ఆస్తులు ధ్వంసం అయినాయని తెలిసి ఈ రోజు మీడియా ముందుకు వచ్చిఖండనలు ఇస్తున్నారు.దీన్ని బట్టి చూస్తే చంద్రబాబు గారికి రిలయన్స్ వారి ఆస్తులు,రామోజీ గారి ఆస్తులు,తన మరియు తన వాళ్ళ ఆస్తులు మాత్రం బాగుంటే సరి ,ప్రజల,ప్రభుత్వాల ఆస్తులు ఏమై పోయినా పరవాలేదని అనిపిస్తుంది.నెల రోజులుగా ప్రజలు ఎంతో ఇబ్బంది పడుతున్నా ఒక్క రోజు కూడా ఆయన ఖండనలు ఇవ్వలేదు.దీన్నిబట్టి చూస్తే అర్థం అవుతుంది ,చంద్రబాబు గారు పెట్టుబడి దారులకు మాత్రమే కొమ్ముకాసే వ్యక్తి అని ,సామాన్య ప్రజల గోడు ఏ మాత్రం పట్టించుకోడని .ఇటువంటి భాధ్యతా రాహిత్యమైన ,అవకాశవాద ,స్వార్థపరమైన రాజకీయనాయకులు ఉండబట్టే ఈ వాళ మన రాష్ట్రం ఈ పరిస్థితులలోకి నెట్టి వేయబడినది.

పాఠ్య పుస్తకాలు కూడా తెలంగాణా మాండలికంలో ఉండాలా?

2010-01-03T20:22:00.005+05:30

ఈ మధ్యన తెలంగాణా వాదులు వాళ్ళ భాషను సినిమాలలో విలన్ల మరియు కమేడియన్ల చేత మాట్లాడిస్తున్నారని ,హీరోలచేత మాట్లాడించలేదని ఆరోపణలు చేస్తున్నారు.సినిమా వాళ్ళు ఏదో ఒక మాండలికాన్ని ప్రామాణికం చేసుకొని మాట్లాడిస్తుంటారు.అలాగే కొన్ని రోజుల వరకూ ఫ్యాక్షన్ సినిమాల నేపథ్యంలో రాయలసీమ మాండలికాన్నివాడారు.సినిమా వాళ్ళ ముఖ్య ఉద్దేశ్యం వినోదాన్ని ప్రేక్షకులకు పంచడమే. ఇలా ప్రతి దానిలో సెంటిమెంటు నురెచ్చకొట్టడం సరి కాదు. ఇవాళ తెలంగాణా సినీ రచయతలు వ్రాసే పాటలు కూడా తెలంగాణా మాండలికంలో లేవు.దీనికితెలంగాణా వాదులు ఏమంటారో ? అలా అనుకుంటూ పోతే చివరికి పాఠ్య పుస్తకాలలో కూడా తెలంగాణా మాండలికాన్నిప్రవేశ పెట్టాలని డిమాండ్ రావచ్చు.

ప్రజల మనసులను విష పూరితం చేయడం ఇంత సులభమా ?

2009-12-14T18:29:00.005+05:30

భారత దేశం ,పాకిస్తాన్ లను తెల్లదొరలు విభజించినప్పుడు హిందూ ,ముస్లిముల మధ్యన మతకలహాలు చెలరేగి కొన్ని వేలమంది చని పోయారని చరిత్ర చదివినప్పుడు ,ఒకే దేశం లో ఉన్న ప్రజల మధ్యన ఒకరినొకరు చంపుకునేంతగా ద్వేషంఎందుకు వస్తుందో నాకు అంతగా అర్థం అయ్యేది కాదు.కానీ రాజకీయనాయకులు తలచుకుంటే అదేమీ పెద్ద విషయంకాదని ఇప్పుడు చాలా క్లియర్ గా అర్థం అయ్యింది.తెల్ల దొరసాని చేసిన రాష్ట్రవిభజన ప్రకటన ఇంత వరకూ కలసి మెలిసిఉన్న తెలంగాణా ,ఆంధ్ర ప్రజల మనసులను విషపూరితం చేసినాయి.తెలంగాణా ఇచ్చినా లేకున్నా ఇరు ప్రాంతాల ప్రజలు మనసులను విషతుల్యం చేసుకోకుండా ఉంటే బాగుంటుంది.

ఈ వేర్పాటు ఉద్యమాలు ప్రజలను గొర్రెలను చేయడానికి రాజకీయనాయకులు పన్నిన కుట్ర.

2009-12-13T12:36:00.004+05:30

ఇప్పటికే ప్రతి రాష్ట్రంలో ప్రాంతీయ పార్టీలు ఎక్కువ అయి పోయి జాతీయవాదం లేకుండా పోయింది.ఉదాహరణకు ఈ వాళ తమిళనాడు వాళ్ల కంటే మనకు ఎం.పిలు ఎక్కువ ఉన్నా మనకు కేంద్ర కాబినెట్ లో సరైన బెర్తులు దొరక లేదు.తమిళనాడు వాళ్ళది ప్రాంతీయ పార్టీ కాబట్టి వాళ్లు బ్లాక్ మెయిల్ చేసి మంత్రుల ఫోర్టుఫోలియోలు గాని ,నిధులు ,పెద్ద పెద్ద ప్రాజెక్టులు వాళ్ల రాష్ట్రానికి తరలించుకొని పోతున్నారు. చిన్న చిన్న బ్లాక్మెయిల్ లకు భయపడి రాష్ట్రాలను విభజించు కుంటూ పొతే దేశం చాలా ముక్కలు అయి పోయి దేశ సమగ్రతకే ముప్పు ఏర్పడుతుంది.ఇవాళ స్వాతంత్ర్యం వచ్చి ఇన్నేళ్ళు అయ్యింది.మీరు ఎన్నుకున్న ప్రజాప్రతినిధులను నిలదీసి అడగాలి,ఎందుకు వెనకబడి ఉన్నామో .అది చేతగానప్పుడు ఎన్ని రాష్ట్రాలు అయిన కూడా అభివృద్ధి అనేది ఏమీ జరగదు.అభివృద్ధి కోసం కొట్లాడాలి.ఈ వాళ తెలంగాణా వచ్చిన తర్వాత కూడా అలాగే ఉంటుంది.అప్పుడు పాలకులు వాళ్ల తప్పును కప్పిపుచ్చుకోవడానికి తిరిగి వేర్పాటు వాద ఉద్యమాలు మొదలు పెడుతారు.అప్పుడు ఉత్తర తెలంగాణా లేక దక్షిణ తెలంగాణా ప్రత్యేక రాష్ట్రాలు కావాలని ఇంకొకరు వచ్చి ఉద్యమం మొదలు పెట్టి ప్రజలను తమ మౌళిక సమస్యల నుండి దృష్టి మరల్చడానికి ప్రయత్నం చేస్తారు.ఈ వేర్పాటు ఉద్యమాలు ప్రజలను గొర్రెలను చేసి వాళ్ల హక్కుల కోసం పోరాడకుండా డైవర్ట్ చేయడానికి ,వేర్పాటు ఉద్యమ నాయకులు ధనవంతులు అవ్వడానికి,కొన్ని రాజకీయ పదవులు పొందడానికి తప్ప ప్రజలకు మేలు చేయడానికి మాత్రం కాదని ప్రజలు గుర్తిస్తే చాలా మంచిది.

రాజశేఖర రెడ్డి వర్గాన్ని చిన్నాభిన్నం చేసిన ముసలి నాయకులు.

2009-12-12T20:19:00.003+05:30

రాజశేఖర రెడ్డి గారి అనుకూల వర్గ ఎం.ఎల్.ఎ ల లో తెలంగాణా అనే తేనెతుట్టె ను కదిపి విజయవంతంగా చీలిక తీసుకు వచ్చిన కాంగ్రెస్స్ అధిష్టానం.ఆ విధంగా జగన్ కు ముఖ్యమంత్రి అయ్యే అవకాశాన్ని కాంగ్రెస్స్ లోని ముసలి నాయకులు అధిష్టానం ద్వారా విజయవంతంగా దెబ్బ కొట్టినారు.

కే.సి.ఆర్ మరో నిజాం లాంటి వాడు.

2009-12-12T15:08:00.003+05:30

తెలంగాణా లోని ప్రజలను నానా రకాలుగా ఇబ్బంది పెట్టిన నిజాం రాజును ,ఆ ఇబ్బంది పడిన ప్రజలు ఇంకా బ్రతికి ఉండంగానే పొగిడిన కే.సి.ఆర్.కు జై కొడితే నిజాం చెర నుండి తెలంగాణా ను విడిపించడానికి తమ ప్రాణాలను ఫణంగా పెట్టిన అమర వీరుల ఆత్మలు ఘోషిస్తాయని ఒక సారి తెలంగాణా బిడ్డలు గుర్తు పెట్టుకుంటే బాగుంటుంది.అటువంటి కే.సి.ఆర్. వలన తెలంగాణా వస్తే నిజాం రాజ్యం లోని పరిపాలన కంటే భిన్నంగా ఏమీ ఉండదు అని తెలంగాణా బిడ్డలు ఆలోచించాలి.తిరిగి రెండు జర్మనీలు ఏకీకరణం అయినట్లు ఏదో ఒక రోజు తిరిగి రెండు తెలుగు ప్రాంతాలు ఏకం కాక తప్పదు.

కరవమంటే కప్పకు కోపం విడవమంటే పాముకు కోపం

2009-12-10T18:13:00.003+05:30

కాంగ్రెస్స్ అధిష్ఠానం ప్రజలలో పలుకుబడి లేని,ప్రజల నాడి తెలియని నాయకుల (ఉదా:-వి.ఎచ్.,కే.కే.) మాటలు విని తెలంగాణాకు సై అని పప్పులో కాలేసింది.ప్రజలలో పలుకుబడి లేని కే.సి.ఆర్ లాంటి ఒక నాయకుడు నిరాహారదీక్ష అని బ్లాక్ మెయిల్ చేస్తే దానికి భయపడి ఒక రాష్ట్రాన్ని ముక్కలు చేయడానికి సంసిద్ధం కావడాన్ని ప్రజలు జీర్ణించుకోలేకున్నారు.అదే కే.సి.ఆర్. తెలంగాణాకు చెందిన ఇతర కాంగ్రెస్స్ నాయకులను ఎలా తిట్టారో అప్పుడే మర్చి పొయినారా?జగన్ విషయం లో అధిష్ఠానం చెప్పిన నిర్ణయానికి కాంగ్రెస్స్ ఎం.ఎల్.ఎ లు తలోగ్గినట్లే ఈ విషయంలో కూడా వాళ్లు మాట వింటారని కాంగ్రెస్స్ అధిష్ఠానం అనుకొంది.ప్రజాభిప్రాయం తో సంభంధం లేకుండా అధిష్ఠానం అనే అహంకారంతో ,నిరంకుశత్వంగా వ్యవహరించి ఈ వాళ కొరివితో తల గోక్కున్నట్లు అయ్యింది.కే.సి.ఆర్ కు తిరుగులేని ప్రజా బలం ఉండి,తెలంగాణా వాదం ఉన్నప్పుడే వై.ఎస్. గారు ఆ సమస్యను చాలా తేలికగా తీసుకొని ఒంటి చేత్తో ఎదుర్కొన్నారు.ఈ వాళ తెలంగాణ వాదం బలహీన పడి, టి.ఆర్.ఎస్. పార్టీ తన ఉనికి కోల్పోతున్నప్పుడు ఈ సమస్యను కాంగ్రెస్స్ అధిష్ఠానం పరిష్కరించలేక చేతులు ఎత్తి వేసే పరిస్థితి వచ్చింది.కావున కాంగ్రెస్స్ సీనియర్లకు ఈ వాళ అయినా తెలిసిరావాలి,రాష్ట్రంలో వై.ఎస్.ఉన్నన్నాళ్ళు కాంగ్రెస్స్ అంటే వై.ఎస్.,వై.ఎస్. అంటే కాంగ్రెస్స్ అని.అధిష్ఠానం అంటూ ఏమీ లేదని.ఈ వాళ పరిస్థితి విడవ మంటే పాముకు కోపం,కరవ మంటే కప్పకు కోపం లా కాంగ్రెస్స్ అధిష్ఠానం పరిస్థితి అయ్యింది.

ఈ వార్త విని వై.ఎస్.రాజశేఖర రెడ్డి గారి ఆత్మ క్షోభిస్తుంది.

2009-12-10T09:13:00.003+05:30

ప్రజలలో నుండి వచ్చిన బలమైన నాయకుడు లేకపోతే పరిస్థితులు ఎలా ఉంటాయో ప్రస్తుత పరిణామాలు చూస్తుంటే తెలుస్తుంది.రాజశేఖర రెడ్డి గారు ఉన్నప్పుడు ప్రాంతీయ వాదాల్ని ఒంటిచేత్తో ఆపగలిగాడు. తెలంగాణాకు రాజశేఖర రెడ్డి మాత్రమే అడ్డం అని ప్రచారం తో ఊదరగొట్టినా ,టి.ఆర్.ఎస్.,మిగతా పార్టీలన్నీ ఒక వైపు ఉండి ఎలెక్షన్లలో పాల్గొన్నా,అభివృద్ధి అనే నినాదంతో ఒంటి చేత్తో కాంగ్రెస్స్ పార్టీని అధికారంలోకి తీసుకు వచ్చి ,టి.ఆర్.ఎస్. ను పది సీట్లకు మాత్రమే పరిమితం చేసి తెలంగాణావాదం ఏమీ లేదని తేల్చేశాడు.టి.ఆర్.ఎస్. పార్టీ కూడా అధినేత మీద విశ్వాసం లేక చిన్నాభిన్నమైనది.కానీ రాజశేఖర రెడ్డి గారు చని పోయిన తర్వాత చచ్చిపోయిన తెలంగాణా వాదాన్ని సెలైన్ ను పెట్టి తిరిగి బతికించి ఈ రోజు కేంద్రం తో తెలంగాణాకు సై అనిపించారు. ఈ పరిణామాల్ని చూస్తున్న రాజశేఖర రెడ్డి గారి ఆత్మ తీవ్రంగా క్షోభిస్తూ ఉంటుంది.

అభివృద్ధి అంటే ఒక చార్మీనార్ ,ఒక సాలార్జంగ్ మ్యూజియం కట్టడం కాదు

2009-12-04T15:46:00.003+05:30

బ్రిటిష్ వాళ్లు మనలను పాలించేటప్పుడు వాళ్ళను తరిమి వేస్తే ప్రజలంతా స్వేచ్చా స్వాతంత్ర్యాలతో ,సుఖ సంతోషాలతో తులతూగుతారని ప్రజలంతా భ్రమ పడ్డారు.కానీ ఈ వాళ ఏమైంది.స్వాతంత్ర్యం వచ్చి అరవై సంవత్సరాలు పైబడింది.కానీ ఇప్పటికి కూడా కోట్ల మంది ప్రజలు ఒక్క పూట తిండికి కూడా నోచుకోకుండా ఉన్నారు.కనీసం రాజ్యాంగం కల్పించిన కనీస మౌలిక హక్కులు కూడా పొంద లేని పరిస్థితిలో ఉన్నారు.ఆ నాడు స్వాతంత్ర్యం కోసం పోరాడిన వాళ్ళలో గాంధీజీ,భగత్సింగ్,సుభాష్ లాంటి నిస్వార్థ పరులు ఉండే వారు. కానీ ఈ వాళ తెలంగాణా విముక్తి కోసం పోరాటం చేస్తున్నానని చెబుతున్న కే.సి.ఆర్. లాంటి వ్యక్తుల విశ్వసనీయత ఎలాంటిదో ప్రజలకు తెలుసు.తెలంగాణా ఉద్యమం చేపట్టక ముందు కే.సి.ఆర్. ఆస్తి ఎంత ,ఇప్పుడు ఉన్న ఆస్తి ఎంత.ఈ వాళ తెలంగాణా రాష్ట్రం విడిపోయినా కూడా ప్రజలకు ఒరిగేది ఏమీ ఉండదు.అక్కడ దోపిడీ ఉండదని ప్రజలకు హామీ ఇస్తారా? ఈ వాళ ఆంధ్ర ప్రజలను బూచిగా చూపించి తెలంగాణా రాష్ట్రాన్ని డిమాండ్ చేస్తున్న వారు ,తెలంగాణా వచ్చిన తర్వాత అమాయక తెలంగాణా బిడ్డలను దోచుకోరని గ్యారెంటీ ఉందా.ప్రతి సమాజంలో పీడించే వాళ్లు ,పీడితులు ఉంటారు.ప్రజలు మోసపోకుండా హుషారుగా ఉండాలి,అంతేగాని తెలంగాణా వచ్చినంత మాత్రాన ఆ రాష్ట్రంలో అందరూ ఉత్తములు ఉండరు.హైదరాబాదు ముందే ఎంతో అభివృద్ధి చెందిందని చెబుతున్నారు.ఆంధ్రప్రదేశ్ వచ్చిన తర్వాతనే వెనక పడినామని చెబుతున్నారు.అభివృద్ధి అంటే ఒక చార్మినార్,ఒక సాలార్జంగ్ మ్యూజియం కట్టడం కాదు.ప్రజలకు తగిన విద్యాబుద్దులు ఉండి వాళ్ల బతుకులు వాళ్లు బతికే విధంగా చేయడం.కానీ ఈ రోజుకు కూడా తెలంగాణా లోని ప్రజలు ఎంతో అమాయకంగా ,రకరకాల మూఢ నమ్మకాలలో బతుకుతున్నారు.ఎవరో వచ్చి వాళ్ళను మోసం చేస్తారని భ్రమల్లో ఉన్నారు.వాళ్ల మీద వాళ్లకు నమ్మకం లేదు.కావున ఎంత అభివృద్ధి చెందిందో ,మేము ముందే అభివృద్ధి చెంది ఉన్నామని చెప్పే తెలంగాణా మేధావులు జవాబు చెబితే బాగుంటుంది.తెలంగాణా రాష్ట్రం ఏర్పడితే ప్రజలకు ఏదో ఒరిగి పోతుందని చెప్పి తెలంగాణా ప్రజలను ఎండమావుల వెంట పరిగెత్తించేది మానుకుంటే బాగుంటుంది.

కే.సి.ఆర్ కంటే బాలాథాక్రే చాలా నయం

2009-12-03T18:09:00.000+05:30

తెలంగాణా అనే భావోద్వేగ సమస్యని తెలంగాణా లోని రాజకీయ నాయకులు చాలా బాగా క్యాష్ చేసుకుంటున్నారు.మొదట చెన్నారెడ్డి ఆ సమస్యను ఉపయోగించుకొని అనేక పదవులు పొందినారు.ఇప్పుడు కె.సి.ఆర్. అదే పనిలో ఉన్నారు.ఒక వైపు ఏమో చచ్హేంత వరకు నిరాహారదీక్ష అంటున్నాడు, మరోవైపు ఏమో ఖమ్మంలో సౌకర్యాలు లేవంటున్నాడు.చచ్హేవానికి సౌకర్యాలతో ఏం పని.దీన్ని తెలంగాణా ప్రజలు అర్థం చేసుకోవలసిన అవసరం ఉంది.అందరికన్నా ఎక్కువ నష్టపోయింది రాయలసీమ ప్రజలు.ఎందుకంటే తెలంగాణా వాళ్ళు కలుస్తామంటే కర్నూలు రాజధానిని పోగొట్టు కొని హైదరాబాదు రాజధానిని ఒప్పుకున్నారు.హైదరాబాదు బాగా అభివ్రుద్ది చేసు కున్న తర్వాత తెలంగాణా ప్రత్యేక రాష్ట్రం కావాలంటున్నారు.నాకు తెలిసినంత వరకు రాజధాని వాళ్ళ ప్రాంతంలో ఉన్న వాళ్ళు ఎవరూ రాష్ట్ర విభజన కోరలేదు,తెలంగాణా వాళ్ళు తప్ప.తెలంగాణా వాళ్ళ కంటే బాలాథాక్రే చాలా నయమని పిస్తుంది.ఎందుకంటే ఆయన ముంబాయి మరాఠీ లది మాత్రమే అంటున్నాడు.కానీ ఇక్కడ ఆంధ్రావాలే భాగో అంటున్నారు.తెలుగువాళ్ళం అయి ఉండి తెలంగాణా ప్రాంతంలో ద్వితీయ శ్రేణి పౌరులులాగా భయపడుతూ ఎందుకు బ్రతకాలో అర్థం కావడం లేదు.తెలంగాణా ఉద్యమానికి నిధులు పంపిస్తూ ప్రోత్సహిస్తున్న ప్రవాస తెలంగాణా ప్రజలూ మీరు ఒక సారి ఆలోచన చేయాలి.ఎందుకంటే అక్కడి ప్రజలు మిమ్ములను కూడా భాగో అనే పరిస్థితి వస్తుంది.

మళ్ళీ విజయవంతంగా దీక్ష ను ముగించిన కే.సి.ఆర్

2009-12-01T08:47:00.003+05:30

సార్వత్రిక ఎన్నికల ఫలితాలు రాకముందే బి.జే.పి తో పొత్తుకు సై చెప్పిన కే.సి.ఆర్. ఆ పార్టీ అధికారం లోకి రాక పోయేసరికి ,కాంగ్రెస్స్ తో దగ్గర కావడానికి నిరాహార దీక్ష అనే కొత్త పథకం రచించాడు.ఇలాంటి పథకాలు వేస్తే కాంగ్రెస్స్ పార్టీ దగ్గరకు తీసుకొని కేంద్రం లో ఏదో ఒక పదవి ఇస్తుందని ఆయన ఆశ పడి దీక్ష డ్రామా మొదలు పెట్టినాడు.మునుపటి లాగే దీక్ష డ్రామా లానే ముగిసింది.మళ్ళీ కే.సి.ఆర్. విజయవంతంగా దీక్షను ముగించాడు.

చంద్రబాబు మరియు ఆయన మిత్రబృందం రెండు నాల్కల ధోరణి

2009-11-13T13:50:00.003+05:30

మార్గదర్శి మీద ఆరోపణలు వచ్చినప్పుడు ,ప్రభుత్వం ప్రజల రక్షణకు తనకున్న పరిధిలో చర్యలు తీసుకుంటే చంద్రబాబు గారు మరియు ఆయన మిత్రబృందం కలిసి ఈనాడు పత్రిక మీద మరియు మీడియా మీద దాడి అని ఎంతో హడావిడి చేసారు.అదే ఈ రోజున జగన్ మీద ఎన్నో ఆరోపణలు అదే చంద్రబాబు మరియు ఆయన మిత్ర బృందం సంధిస్తున్నారు.వాళ్లకు ఇప్పుడు మీడియా మీద దాడి గా కనిపించడం లేదా?ఎందుకంటే జగన్ కు కూడా మీడియా ఉంది. కాంగ్రెస్స్ పార్టీ వాళ్లకు చంద్రబాబు గారి లాగా గోబెల్స్ ప్రచారం చేయడం చేతకాదేమో.చంద్రబాబు గారి రెండు నాల్కల ధోరణి ఇప్పుడు కళ్ళకు కట్టినట్లు కనిపిస్తున్నది.చంద్రబాబు గారు ఇటువంటి పనులు చేయడం వలన విశ్వసనీయత ఎప్పుడో పోగొట్టుకున్నారు. మిగతా ప్రతిపక్ష నాయకులు కూడా ఆయన వెంట నడిస్తే, వీళ్ళు కూడా ప్రజలలో విశ్వసనీయత పోగొట్టుకొని ప్రజలలో చెల్లకుండా పోతారు.

2012 లో యుగాంతం -మార్కెట్ వర్గాల కుట్ర

2009-11-11T09:43:00.003+05:30

2012 లో యుగాంతం గురించి ఈ మధ్యన మీడియా లో చాలా హడావిడి కనిపిస్తుంది.ప్రతిదినమూ ఈ విషయాన్ని ప్రసారంచేస్తూ ,ప్రజలను చాలా భయానికి గురి చేస్తున్నారు.దీన్ని నిశితంగా పరిశీలిస్తే దీని వెనుక మార్కెట్ వర్గాల కుట్ర ఉన్నట్లు కనిపిస్తున్నది.ఈ ఆర్ధిక మాంద్యం పరిస్థితులలో మార్కెట్లో డబ్బులు లేవు కాబట్టి ,ప్రజలను ఎలాగోలా భయపెట్టి వాళ్ల దగ్గరఉన్నడబ్బు బయటికి తీయించి ఖర్చు పెట్టించాలనే యోచన కనిపిస్తున్నది.ఆ విధంగా ఆర్ధిక మాంద్యం నుండి బయటపడాలనే వ్యూహం ఉన్నట్లు కనిపిస్తున్నది.

కాంగ్రెస్స్ పార్టీ "సో కాల్డ్ "సీనియర్ల రాజ్యాంగ ద్రోహం

2009-09-27T19:35:00.003+05:30

కాంగ్రెస్స్ పార్టీకి సంభందించిన నాయకులకు ప్రజలలో ఎవరికి ఎంత పలుకు బడి ఉందో ఆంధ్రప్రదేశ్ ప్రజలకు చాలాబాగా తెలుసు.ఈ రోజు రాజశేఖర రెడ్డి గారి దుర్మరణం తర్వాత సో కాల్డ్ సీనియర్ లనే ప్రజా బలం లేని వృద్ద నాయకులఅర్థం లేని ప్రకటనలు చూస్తుంటే చాలా విచిత్రం అనిపిస్తుంది.ముఖ్యమంత్రి ఎంపికలో ముఖ్య పాత్ర వహించాలిసిందిఎం.ఎల్.ఏ లు మాత్రమే అనే ప్రాథమిక రాజ్యాంగ సంప్రదాయాన్ని పక్కన పెట్టి అధిష్టానం ,లేక సీనియర్లు అనే వితండవాదాన్ని తెర పైకి తెచ్చి రాజ్యాంగ ద్రోహానికి పాల్పడుతున్నారు .ప్రజలు ఓట్లు వేసి గెలిపించుకున్న ఎం.ఎల్.ఏ లుమాత్రమే ముఖ్యమంత్రిని ఎన్నుకోవాలి.అప్పుడు మాత్రమే ప్రజాభిప్రాయం ప్రతిఫలిస్తుంది,లేకపొతే తెలుగు వాడిఆత్మగౌరవ నినాదం తిరిగి తెరపైకి వచ్చి కాంగ్రెస్స్ పార్టీ తిరిగి రాష్ట్రంలో భ్రష్టు పట్టి పోతుంది.ఈ రాష్ట్రం లో రాజశేఖర రెడ్డిగారి విశ్వసనీయత ను చూసి ప్రజలు కాంగ్రెస్స్ పార్టీకి ఓట్లు వేసినారు గాని సోనియా గాంధిని,సోకాల్డ్ సీనియర్లను చూసికాదు.ఈ విషయాన్ని కాంగ్రెస్స్ పార్టీ అధిష్టానం గుర్తించి ,ప్రజాభిప్రాయాన్ని గౌరవిస్తే పార్టీ రాష్ట్రంలోబట్టకడుతుంది,లేకపొతే అధికారాన్ని బంగారుపల్లెంలో పెట్టి వేరే పార్టీ కి ఇచ్చిన వాళ్ళవుతారు.

అదే బ్లాగు పేరు ఇతరులు పెట్టుకోవచ్చా..

2009-09-27T16:28:00.003+05:30

బ్లాగు కు మనం పెట్టిన పేరు ఇతరులు పెడితే అది మార్చడానికి ఏమి చేయాలి.అదే పేరు ఇతరులు కూడా పెట్టుకోవచ్చా. వాళ్ళకు ఈ విషయాన్ని తెలియ చెప్పినా మార్చాక పొతే ఏమి చేయాలి.ప్రొఫైల్ లో ఎవరు ముందు బ్లాగు మొదలు పెట్టినారు అని క్లియర్ గా ఉన్నా మార్చక పొతే ఎవరికీ కంప్లైంట్ చేయాలి దయ చేసి తెలపగలరు.

వై.ఎస్.జగన్ నే సి.యం. చేయాలి.

2009-09-04T13:51:00.003+05:30

వై .ఎస్. జగన్ నే సి.యం.చేయాలి.ఈ వాళ ఆంధ్రప్రదేశ్ లో రాజశేఖర రెడ్డి గారి తర్వాత ప్రజాకర్షణ ఉన్నది జగన్ కే .రాష్ట్రం అంతా అనుచర గణం జగన్ కు ఉంది.రాష్ట్ర కాంగ్రెస్స్ లో ఎవరికీ అంతటి ప్రజాకర్షణ ,అనుచర గణం లేదు.జూనియర్ అని జగన్ ను పక్కన పెట్టకూడదు.జూనియర్ అని రాజశేఖర రెడ్డిని పక్కన పెట్టి , చాలా రోజులు ప్రజలలో అభిమానం లేని ముసలి నాయకులు అదికారాన్ని అనుభవించారు.చివరికి రాష్ట్రంలో కాంగ్రెస్స్ ఇబ్బందుల్లో ఉన్నప్పుడు అదే జూనియర్ పార్టీ ని అధికారంలోకి తీసుకు వచ్చి ప్రజా రంజకంగా పరిపాలించి ప్రజల గుండెల్లో చిరస్థాయిగా నిలిచి పోయినాడు.పార్టీ ఇబ్బందుల్లో ఉన్నప్పుడు సీనియర్లంతా ఏం చేసారు.వారసత్వం అనే దాన్ని అనర్హతగా చూడకూడదు.కాబట్టి జగనే సి.యం .పోస్టు కు సరి అయిన వ్యక్తి .

రాజన్నా మాకోసం మళ్ళీ పుట్టి రా ....

2009-09-03T18:44:00.003+05:30

రాజన్నా మీ మరణాన్ని మేము జీర్ణించుకో లేకున్నాము.మా కోసం నీవు మళ్ళీ పుట్టి రా రాజన్నా .నీ కోసం మేమంతా వేయి కళ్ళతో ఎదురు చూస్తూ......

ఆగి పోయిన తెలుగు ప్రజల హృదయ స్పందన ...

2009-09-03T13:01:00.003+05:30

ఎనిమిది కోట్ల తెలుగు ప్రజల హృదయ స్పందన ఆగి పోయింది.అధికారం కోసం కాకుండా ప్రజల కోసం పరితపించిన మనసున్న మనిషి ఇక లేడు అని వార్తను ఇప్పటికీ నమ్మలేకున్నాము.నిన్నటి నుండి ఏదో మిరాకిల్ జరిగి ఆయనకు ఏమీ కాదు అని అను కుంటూ ఉంటిని,కాని దేవుడు చిన్నచూపు చూసినాడు.ఇంతమంది ప్రజాభిమానాన్ని చూరగొన్న రాజశేఖర రెడ్డి లాంటి నాయకుడు ఇంతకు ముందు లేడు,ఇక రాడు.ఆరోగ్యశ్రీ ద్వారా ఎంతో మందికి ప్రాణదానం చేసిన ఆయనను మృత్యుదేవత ఇంత నిర్దాక్షిణ్యంగా కబలిస్తుందని ఊహించలేదు.ఆయన ఆత్మకు శాంతి కలగాలని భాదాతప్త హృదయం తో దేవుని మనసారా ప్రార్థిస్తూ......

ధనవంతుల జబ్బు

2009-08-16T16:40:00.003+05:30

స్వైన్ ఫ్లూ గురించి ప్రభుత్వాలు,మీడియా చాలా హడావిడి చేస్తున్నాయి,ఎందుకంటే ఇది విమానాల ద్వారా విదేశాలనుండి దిగుమతైన ధనవంతుల జబ్బు కాబట్టి.మన దేశంలో మలేరియా ,అతిసార వలన కొన్ని వేల మంది ప్రతిసంవత్సరం మరణిస్తున్నారు.ఒక్కరోజైనా ప్రభుత్వాలు ,మీడియా ఇంతగా స్పందించాయా?ప్రజల ప్రాథమిక హక్కుఅయిన రక్షిత మంచి నీరు కూడా పొందలేక ఈ మధ్యన హైదరాబాదు లో చాలా మంది చని పోయారు.ప్రజలకు కనీసవైద్యం అందించ లేని ప్రభుత్వాల చేతగాని తనం వలన మన దేశం లో గర్భిణుల ,శిశువుల ,గిరిజనుల,ప్రజల మరణాలుసంభవిస్తున్నాయి. సామాన్య ప్రజల ప్రాణాల విలువ ప్రభుత్వాల,మీడియా దృష్టిలో ఏంటో ఇప్పుడు అర్థం అవుతున్నది. స్వైన్ ఫ్లూ వ్యాప్తి చెందకుండా జాగ్రత్తలు తీసుకోవద్దని నేను చెప్పడం లేదు.జాగ్రత్తలు తీసుకోవలసిందే,కానీ సామాన్యప్రజలకు వచ్చే నయం చేయగలిగే జబ్బులను కూడా ప్రభుత్వాలు పట్టించుకొని ,వారి ప్రాణాలకు కూడా ధనవంతుల ప్రాణాల కున్న విలువలో కొంత విలువైన ఇస్తే చాలా సంతోషం.